नाशिक, 22 मार्च, (हिं.स.)। नाशिकच्या श्री काळाराम संस्थानतर्फे सुरू असलेल्या वासंतिक नवरात्र महोत्सव २०२६ मध्ये रविवारची सकाळ सामूहिक रामरक्षा स्तोत्र पठणाच्या भक्तिरसात आनंदात बहरली. श्रीरामरक्षा या अद्भुत स्तोत्राचे पठण करण्यासाठी मोठ्या संख्येने भविकांसह विद्यार्थीही आले. सामूहिक पथनांच्या सुरांनी काळाराम मंदिराचे प्रांगण भक्तिमय झाले. रामरक्षा स्तोत्रातील राम हा शब्द वेगवेगळ्या व्याकरणीय पद्धतीने साधारणपणे ७७ वेळा येतो, विष्णू सहस्त्रनाम म्हटल्याचे पुण्य एकदा रामरक्षा म्हटल्याने मिळते, अशी माहिती यावेळी देण्यात आली.

समृद्ध कुटे यांच्या वेणूनादाला अद्वैत पवार यांची लाभलेली तबल्याची साथ यांच्यामुळे संगीतमय वातावरणात भक्ती व संगीताचा मिलाप अनुभवायला मिळाला.

---------------

हिंदुस्थान समाचार / GOSAVI CHANDRASHEKHAR SUKDEV