कोलकाता , 26 एप्रिल (हिं.स.) बंगालमध्ये दुसऱ्या टप्प्यातील मतदानापूर्वीच अंमलबजावणी संचालनालयाने (ईडी) राजधानी कोलकात्यात आपली हालचाल वाढवली आहे. केंद्रीय तपास यंत्रणेने रविवारी सकाळी शहरातील दोन वेगवेगळ्या भागांत आनंदपूर आणि अलीपूर येथे दोन मोठ्या व्यावसायिकांच्या घरांवर आणि कार्यालयांवर छापेमारी सुरू केली. ही कारवाई कुख्यात ‘सोनू पप्पू’ प्रकरणाशी संबंधित असल्याचे सांगितले जात आहे.

सूत्रांच्या माहितीनुसार, ईडीची पथके सकाळी लवकर सुरक्षा दलांसह महानगरातील आनंदपूर येथील व्यावसायिक कल्याण शुक्ला यांच्या निवासस्थानी आणि अलीपूर येथील व्यावसायिक संजय कानोरिया यांच्या ठिकाणांवर पोहोचली. ईडी अधिकारी दोन्ही ठिकाणी कागदपत्रांची तपासणी करत आहेत.

या छापेमारीमागील सर्वात मोठा दुवा नुकतेच अटक करण्यात आलेले व्यावसायिक जय कामदार यांना मानले जात आहे. दावा केला जात आहे की, जय कामदार यांच्या मोबाईल फोनमधून मिळालेल्या व्हॉट्सअॅप चॅटमधून अनेक संशयास्पद आर्थिक व्यवहारांचा खुलासा झाला आहे. याच चॅटमध्ये कल्याण शुक्ला आणि संजय कानोरिया यांची नावे आढळल्यानंतर ईडीने हे पाऊल उचलले आहे.

---------------

हिंदुस्थान समाचार / Priyanka Bansode