बीड, 03 मे (हिं.स.)।कल्याणी चिक्षे हिला अमेरिका येथे मास्टर ऑफ सायन्स इन इन्फॉर्मेशन सिस्टिम्स ही पदवी यशस्वीरित्या पूर्ण केल्यानंतर सन्मानित करण्यात आले आहे.

कल्याणीचे शालेय शिक्षण अंबाजोगाई येथील योगेश्वरी विद्यालय व महाविद्यालयात बारावीपर्यंत पूर्ण झाले. आठवीपासूनच तिने विविध स्पर्धात्मक परीक्षांमध्ये उल्लेखनीय यश मिळवत शिष्यवृत्ती व पारितोषिके प्राप्त केली. एमटीएसई परीक्षेत तिने सलग तीन वर्षे राज्यस्तरीय गुणवत्ता क्रमांक मिळवला. आठवीपासून विविध स्पर्धात्मक परीक्षांची तयारी करताना तिला किरण कोदरकर व कौस्तुभ कोदरकर यांचे मार्गदर्शन लाभले. बारावीमध्ये तिला टॉप प्रमाणपत्र मिळाले तसेच अभियांत्रिकी शिक्षणादरम्यानही तिला शिष्यवृत्ती प्राप्त झाली. त्यानंतर तिने अंबाजोगाईतील अभियांत्रिकी महाविद्यालयातून अभियांत्रिकी पदवी प्राप्त केली.

अंबाजोगाईच्या सांस्कृतिक व शैक्षणिक वारशातून प्रेरणा घेत कल्याणीला अमेरिकेत उच्च शिक्षणाची संधी मिळाली. विवाहानंतर सॅन डिएगो येथे वास्तव्यास असताना तिने मास्टर्स करण्याचा निर्णय घेतला. या प्रवासात तिचे पती राजेश कुलकर्णी तिला सातत्याने प्रेरणा व मोलाचे पाठबळ दिले. कल्याणीने माहिती प्रणाली या क्षेत्रात पदव्युत्तर शिक्षण पूर्ण करताना शिष्यवृत्तीही प्राप्त केली.

---------------

हिंदुस्थान समाचार / Aparna Chitnis