नवी दिल्ली, 18 जुलै (हिं.स.) । कॉकरोच जनता पक्षाचे संस्थापक अभिजीत दीपके यांच्यावर एका महिलेने त्यांच्यावर शाई फेकली. या घटनेमुळे दिल्लीतील जंतर मंतर येथे खळबळ उडाली. या घटनेचा एक व्हिडिओ समोर आला आहे, ज्यामध्ये ती महिला अचानक दीपके यांच्याजवळ येऊन त्यांच्यावर शाई फेकताना दिसत आहे. दीपके आंदोलनस्थळी लोकांशी संवाद साधत असताना ही घटना घडली. दिल्ली पोलिसांनी आता त्या महिलेला ताब्यात घेतले आहे. शिक्षणमंत्री धर्मेंद्र प्रधान यांच्या राजीनाम्याच्या मागणीसाठी सीजेपी, म्हणजेच कॉकरोच जनता पक्ष, गेल्या अनेक दिवसांपासून जंतर मंतरवर आंदोलन करत आहे.

अभिजीत दीपके यांच्यावरील हल्ल्यापूर्वी, नीट पेपरफुटीच्या मुद्द्यावरून उपोषणावर असलेले शिक्षणतज्ज्ञ आणि कार्यकर्ते सोनम वांगचुक यांना जंतर मंतरवरील आंदोलनस्थळावरून हटवण्यात आले होते. दिल्ली पोलिसांनी त्यांना पहाटे रुग्णालयात नेले आणि आंदोलकांना परिसर रिकामा करण्यास सांगितले. सोनम वांगचुक यांना आंदोलनस्थळावरून हटवल्यानंतर अभिजीत दीपके यांनी उपोषणाची घोषणा केली. त्यांनी सोशल मीडिया पोस्टमध्ये लिहिले, मी आतापासून अनिश्चित काळासाठी उपोषण सुरू करत आहे.

शिक्षणमंत्री धर्मेंद्र प्रधान यांच्या राजीनाम्याच्या मागणीसाठी सोनम वांगचुक आणि त्यांचे समर्थक २० दिवसांहून अधिक काळ आंदोलन आणि उपोषण करत आहेत. भारतातील नामांकित वैद्यकीय महाविद्यालयांमध्ये प्रवेश घेऊ इच्छिणाऱ्या लाखो विद्यार्थ्यांना भेडसावणाऱ्या अडचणींकडे लक्ष वेधण्याचा त्यांचा प्रयत्न होता.

'कॉकरोच जनता पार्टी' नावाच्या एका उपहासात्मक संघटनेच्या आंदोलनाला पाठिंबा देण्यासाठी सोनम वांगचुक यांनी २८ जून रोजी जंतर मंतर येथे उपोषण सुरू केले. आता दिल्ली पोलिसांनी त्यांना जंतर मंतरवरून हटवून रुग्णालयात दाखल केले आहे.

दिल्ली उच्च न्यायालयाने सोनम वांगचुक यांचा जीव वाचवण्यासाठी सर्व शक्य उपाययोजना करण्याचे आदेश सरकारला दिले. डॉक्टरांनी त्यांची प्रकृती गंभीर असल्याचे जाहीर करून अवयव निकामी होण्याची भीती व्यक्त केल्यानंतर दुसऱ्याच दिवशी ही पोलीस कारवाई झाली.

---------------

हिंदुस्थान समाचार / वृषाली देशपांडे