मुंबई, 16 सप्टेंबर (हिं.स.)। अभिनेता अमित साध आणि अभिनेत्री ईशा देओल लवकरच ‘प्रताप’ या चित्रपटातून पहिल्यांदाच मोठ्या पडद्यावर एकत्र दिसणार आहेत. सस्पेन्स-थ्रिलर चित्रपटाचे पहिले अधिकृत पोस्टर प्रदर्शित करण्यासोबतच त्याच्या प्रदर्शनाची तारीखही जाहीर करण्यात आली आहे. सचिन सराफ यांच्या लेखन आणि दिग्दर्शनाखाली तयार झालेल्या या चित्रपटाची निर्मिती प्रदीप रंगवानी आणि यूव्ही फिल्म्स यांनी संयुक्तपणे केली आहे. चित्रपटात अमित साध एका अनुभवी एन्काऊंटर स्पेशालिस्टच्या भूमिकेत दिसणार आहेत.
चित्रपटाच्या पोस्टरमध्ये अमित साध अतिशय गंभीर आणि दमदार अंदाजात दिसत आहेत. हातात बंदूक घेऊन त्यांचे पात्र निशाणा साधताना दिसत आहे. तर, ईशा देओल यांचा लूक याच्या तुलनेत अतिशय शांत ठेवण्यात आला आहे. चित्रपटात तिग्मांशू धुलिया, मिलिंद गुणाजी आणि सीमा बिस्वास हे कलाकारही महत्त्वाच्या भूमिकांमध्ये दिसणार आहेत.
‘प्रताप’ची कथा एका अनुभवी एन्काऊंटर स्पेशालिस्टभोवती फिरते, ज्याला एका घटनेनंतर तुरुंगात जावे लागते. तुरुंगातून बाहेर आल्यानंतर त्याच्यासमोर त्याच्या भूतकाळाशी संबंधित अनेक धक्कादायक रहस्ये उलगडतात. त्यानंतर रहस्य, तणाव आणि अनपेक्षित घटनांदरम्यान कथा पुढे सरकते. निर्मात्यांच्या म्हणण्यानुसार, हा चित्रपट प्रेक्षकांना शेवटपर्यंत खिळवून ठेवणारा सस्पेन्स-थ्रिलर असेल. ‘प्रताप’ २० नोव्हेंबर २०२६ रोजी चित्रपटगृहांमध्ये प्रदर्शित होणार आहे.
---------------
हिंदुस्थान समाचार / Suraj Chaugule
