मुंबई, 20 नोव्हेंबर, (हिं.स.)। महाराष्ट्र विधानसभा निवडणूक २०२४ साठी आज सकाळपासून मतदान सुरू झाले आहे. सकाळपासूनच मतदान करण्यासाठी लांबच्या लांब रांगा लागल्या आहेत.

दरम्यान भारतीय संघाचा माजी फलंदाज सचिन तेंडुलकर याने ही पत्नी अंजली आणि मुलगी सारा यांच्यासोबत मतदानाचे कर्तव्य बजावले. मतदान केल्यानंतर सचिन तेंडुलकर आणि त्याच्या कुटुंबीयांनी बोटावर शाई लावून पोझ देत फोटो काढून पोस्ट केले. तसेच सचिनने लोकांना घराबाहेर पडून मतदान करण्याचे आवाहनही केले आहे.

सचिनने फोटोवर कॅप्शनमध्ये लिहिले आहे, विचार करण्याची आणि अभिमानाने आपली शाई दाखवण्याची वेळ आली आहे. प्रत्येक मत महत्त्वाचे!

---------------

हिंदुस्थान समाचार / हर्षदा गावकर