तब्बल 41 लाख रुपये किमंतीचा मुद्देमाल जप्त

नागपूर,16 ऑक्टोबर (हिं.स.) : नागपुरात राज्य उत्पादन शुल्क विभागाने परराज्यातील अवैध मद्य विक्रेत्यांवर कारवाईचा बडगा उगारला. राज्य उत्पादन शुल्क, जी-विभाग, ई-विभाग व एच विभाग, नागपूर यांनी मध्यप्रदेश निर्मीत व विक्रीस असलेली व महाराष्ट्र राज्यात प्रतिबंधीत असलेला एकुण 230 लिटर विदेशी मद्याचा मद्यसाठा व वाहन असा एकूण 16 लाख 13 हजार रुपये किमंतीचा मद्यसाठा जप्त केला.

राज्य उत्पादन शुल्क विभागाकडून 2 ते 8 ऑक्टोबर या दारुबंदी सप्ताह च्या कालावधीमध्ये अवैध मद्य निर्मिती, विक्री, वाहतूक यांचेवर कारवाई करीता मोहिम राबविण्यात आलेली असून या कालावधीत एकूण 224 गुन्हे नोंदविण्यात आलेले आहेत. त्यामध्ये एकूण 168 आरोपींना अटक करण्यात आलेली असून एकूण 44 लाख 1 हजार 919 रुपये इतक्या किमतीचा मुद्देमाल जप्त करण्यात आलेला आहे.

गेल्या 13 ऑक्टोबर रोजी निरीक्षक, राज्य उत्पादन शुल्क, अ-विभाग, नागपूर यांनी मध्यप्रदेश, उत्तराखंड निर्मित स्कॉच महाराष्ट्र राज्यात प्रतिबंधीत असलेला एकुण 17.11 लिटर स्कॉच मद्यसाठा व वाहन असा एकूण 18 लाख 99 हजार 80 रुपये किमंतीचा मद्यसाठा जप्त केला. तसेच 15 ऑक्टोबर रोजी निरीक्षक, राज्य उत्पादन शुल्क, ई-विभाग वह-विभाग, नागपूर यांनी मध्यप्रदेश निर्मीत व विक्रीस असलेली व महाराष्ट्र राज्यात प्रतिबंधीत असलेला एकूण 146.88 लिटर विदेशी मद्याचा साठा व वहन असा एकूण 6 लाख 5 हजार 824 रुपये किमंतीचा मद्यसाठा जप्त केला असा एकूण 41 लाख 18 हजार 108 रुपये किमंतीचा मध्यप्रदेश व अन्य राज्यात निर्मीत विदेशी मद्यसाठा जप्त करुन कारवाई केली.

या कार्यवाहीमध्ये 4 आरोपीना अटक करण्यात आलेली असून कारवाईमध्ये निरीक्षक शैलेश अजमिरे, विक्रम मोरे, मोहन पाटील, जयेंद्र जठार, आनंद पवार, मंगेश कावळे, दत्तात्रय लाडके, बालाजी चाळणेवार, जितेंद्र पवार, अनिल जूमडे, दुय्यम निरीक्षक व त्यांच्या संपूर्ण पथकाचा समावेश होता. ही कारवाई यापुढेही सुरु ठेवण्यात येणार आहे.

-------------------

हिंदुस्थान समाचार / मनोहर कांडेकर