नवी दिल्ली, 19 ऑक्टोबर (हिं.स.)भारताचे सात्विक साईराज रंकीरेड्डी आणि चिराग शेट्टी हे डेन्मार्क ओपन सुपर ७५० बॅडमिंटन स्पर्धेच्या अंतिम फेरीत प्रवेश करण्यात अपयशी ठरले. पुरुष दुहेरीच्या उपांत्य फेरीत जपानच्या ताकुरो होकी आणि युगो कोबायाशी यांच्याकडून त्यांना पराभव सहन लागला. आशियाई क्रीडा स्पर्धेचे विजेते आणि हाँगकाँग सुपर ५०० आणि चायना मास्टर्स सुपर ७५० चे अंतिम फेरीतील सात्विक आणि चिराग यांनी पहिला गेम गमावल्यानंतर जोरदार पुनरागमन केले होते.
निर्णायक सामन्याच्या अंतिम टप्प्यात भारतीय जोडीची कामगिरी निराशाजनक झाली. आणि ६८ मिनिटे चालेल्या या उपांत्य फेरीच्या सामन्यात २०२१ च्या विश्वविजेत्या संघाकडून २१-२३, २१-१८, १६-२१ असा पराभव पत्करावा लागला. या सामन्यात वेगवान खेळ आणि तीव्र रॅली झाल्या. सात्विक आणि चिरागच्या बाहेर पडण्याने ९५०,००० अमेरिकन डॉलर्सच्या स्पर्धेत भारताचे आव्हानही संपुष्टात आले आहे.
---------------
हिंदुस्थान समाचार / वृषाली देशपांडे