सोलापूर, 23 ऑक्टोबर (हिं.स.)।
सोलापुरात काँग्रेसच्या कार्यकर्त्यांनी भाजपच्या विरोधात काळी दिवाळी साजरी केली होती मात्र मंगळवारी लगेच दुसऱ्या दिवशी भारतीय जनता पार्टीच्या कार्यकर्त्यांनी आपल्याच पक्षाच्या कार्यालयासमोर काळ्या टोप्या घालून आंदोलन केले. एकीकडे असेच आंदोलन चालू असताना शेजारीच आमदार विजयकुमार देशमुख यांचे कार्यकर्ते हे आंदोलन पाहत मजे घेत असल्याचे दिसून आले.हे भाजपचे सर्व कार्यकर्ते दक्षिण सोलापूर विधानसभा मतदारसंघातील आहेत. त्यांनी नकळत थेट माजी आमदार दिलीप माने यांच्या भारतीय जनता पार्टीच्या प्रवेशाला विरोध केल्याचे दिसून येत आहे.दिलीप माने आणि नुकतेच मुख्यमंत्री देवेंद्र फडणवीस यांची भेट घेऊन भाजप प्रवेशाचे निश्चित केले होते. कार्यकर्त्यांच्या बैठकीत माने यांनी प्रवेशावर शिक्कामोर्तब केले.
---------------
हिंदुस्थान समाचार / यशपाल गायकवाड
