टोकियो, 26 ऑक्टोबर (हिं.स.)स्वित्झर्लंडच्या बेलिंडा बेन्सिकने आपली प्रभावी कामगिरी सुरू ठेवली आणि पॅन पॅसिफिक ओपन टेनिस स्पर्धेची विजेती बनली. बेन्सिकने अंतिम फेरीत लिंडा नोस्कोवाचा ६-२, ६-३ असा पराभव करून तिच्या कारकिर्दीतील १० वे विजेतेपद पटकावले. बेन्सिकने या स्पर्धेत १० वर्षांपूर्वी भाग घेतला होता. अंतिम फेरीत तिने चेक प्रतिस्पर्ध्यावर वर्चस्व गाजवले होते. बेन्सिकने तीन वेळा नोस्कोवाची सर्व्हिस ब्रेक करून एक तास २२ मिनिटांत सहज विजय मिळवला.

स्विस टेनिसपटूच्या अनेक जुन्या टोकियोच्या आठवणी आहेत. चार वर्षांपूर्वी तिने टोकियोमध्ये ऑलिंपिक महिला एकेरीचे सुवर्णपदक आणि दुहेरीचे रौप्यपदक जिंकले. सामन्यानंतर बेन्सिक म्हणाली, तुम्हा सर्वांसमोर खेळणे खूप छान होते. शेवटच्या वेळी मी येथे टोकियो ऑलिंपिकमध्ये जिंकले होते, तेव्हा स्टेडियम रिकामे होते, त्यामुळे वातावरण पूर्णपणे वेगळे होते. पण तुम्हा सर्वांसमोर खेळणे खूप छान होते. मला जपानमध्ये खेळणे आवडते, म्हणून मला ही स्पर्धा जिंकून खूप आनंद होत आहे.

---------------

हिंदुस्थान समाचार / वृषाली देशपांडे