नवी दिल्ली , 17 नोव्हेंबर (हिं.स.)।बांग्लादेशच्या माजी पंतप्रधान शेख हसीना यांना आंतरराष्ट्रीय गुन्हे न्यायाधिकरणाकडून सुनावलेल्या फाशीच्या शिक्षेवर भारताची पहिली औपचारिक प्रतिक्रिया समोर आली आहे. भारताने सांगितले आहे की, तो या निर्णयावर लक्ष ठेवून आहे आणि बांग्लादेशच्या हितासाठी पूर्णपणे कटिबद्ध आहे.

भारत सरकारने जारी केलेल्या निवेदनात म्हटले आहे की बांग्लादेशच्या “आंतरराष्ट्रीय गुन्हे न्यायाधिकरण” (ICT-BD) यांनी शेख हसीना यांच्याविरुद्ध दिलेल्या निकालाची नोंद भारताने घेतली आहे. भारताने स्पष्ट केले की जवळचा शेजारी म्हणून तो बांग्लादेशच्या जनतेच्या सर्वोत्तम हितासाठी वचनबद्ध आहे.

विदेश मंत्रालयाने पुढे म्हटले की, बांग्लादेशमध्ये शांतता, लोकशाही, समावेशकता आणि स्थिरता टिकवून ठेवणे अत्यंत आवश्यक आहे आणि भारत नेहमीच या मूल्यांच्या समर्थनासाठी त्यांच्या बाजूने उभा राहील. तसेच भारताने हेही स्पष्ट केले की भविष्यातही तो बांग्लादेशाशी संबंधित सर्व पक्षांशी रचनात्मक संवाद सुरू ठेवेल, जेणेकरून देशात स्थिर आणि लोकशाही वातावरण टिकून राहील.

बांग्लादेशच्या अपदस्थ पंतप्रधान शेख हसीना यांना गतवर्षी जुलै महिन्यात त्यांच्या सरकारविरोधात झालेल्या व्यापक आंदोलनादरम्यान घडलेल्या “मानवतेविरुद्धच्या अपराधां” साठी सोमवारी एका विशेष न्यायाधिकरणाने अनुपस्थितीत मृत्युदंड सुनावला. 78 वर्षांच्या हसीना या मागील वर्षी 5 ऑगस्टला त्यांची सत्ता कोसळल्यानंतर भारतात राहतात. त्यांना यापूर्वीच न्यायालयाने फरार घोषित केले होते.

---------------

हिंदुस्थान समाचार / Priyanka Bansode