नवी दिल्ली, 18 नोव्हेंबर (हिं.स.)केंद्र सरकारच्या SIR ला सुरुवातीपासूनच काँग्रेस विरोध करत आहे. आता, ते SIR विरोधात दिल्लीत रॅलीचे नियोजन करत आहे. डिसेंबरच्या पहिल्या आठवड्यात रामलीला मैदानावर ही रॅली काढण्यात येणार आहे. SIR वरील काँग्रेसच्या बैठकीनंतर काँग्रेस पक्षाचे सरचिटणीस केसी वेणुगोपाल यांनी या रॅलीची घोषणा केली. राहुल गांधी आणि खरगे यांच्या उपस्थितीत SIR राज्यातील वरिष्ठ नेत्यांसह ही बैठक झाली.

काँग्रेसचा आरोप आहे की, निवडणूक आयोग भाजप आणि पंतप्रधान मोदींसाठी काम करत आहे. राहुल गांधी आणि मल्लिकार्जुन खरगे यांनी सर्वांना याबद्दल इशारा दिला आहे. केसी वेणुगोपाल यांनी आरोप केला आहे की, निवडणूक आयोग लोकशाही आणि विरोधी पक्षांना नष्ट करण्याचा प्रयत्न करत आहे. खऱ्या मतदारांना काढून टाकण्याचा किंवा बनावट मतदारांना समाविष्ट करण्याचा कोणताही प्रयत्न काँग्रेस उघड करेल असे खरगे यांनी सांगितले. लोकशाही संरक्षणाचे क्षय होऊ देणार नाही असे ते म्हणाले.

मल्लिकार्जुन खरगे यांनी बैठकीत सांगितले की, निवडणूक आयोगाने हे सिद्ध करावे की, ते भाजपच्या सावलीत काम करत नाही. भाजप एसआयआरचा वापर शस्त्र म्हणून करण्याचा प्रयत्न करत आहे आणि जर आयोगाने त्याकडे दुर्लक्ष केले तर ते सहभागी असल्याचे मानले जाईल असा दावाही त्यांनी केला.

मतदार यादीचे विशेष सघन पुनरीक्षण (एसआयआर) सुरू असलेल्या १२ राज्ये आणि केंद्रशासित प्रदेशांच्या प्रभारी, राज्य युनिट प्रमुख, काँग्रेस विधिमंडळ पक्षाचे नेते आणि सचिवांसोबत खरगे यांनी आढावा बैठक घेतली. इंदिरा भवन येथील पक्षाच्या मुख्यालयात झालेल्या या बैठकीत माजी काँग्रेस अध्यक्ष राहुल गांधी देखील उपस्थित होते.

या बैठकीला १२ राज्ये आणि केंद्रशासित प्रदेशांचे एआयसीसी प्रभारी, राज्य काँग्रेस समिती प्रमुख आणि काँग्रेस विधिमंडळ पक्षाचे (सीएलपी) नेते आणि सचिव उपस्थित होते. अलिकडच्या बिहार विधानसभा निवडणुकीत काँग्रेसचा दारूण पराभव आणि कथित मतदान चोरीविरुद्ध सुरू असलेल्या मोहिमेदरम्यान ही बैठक झाली.

---------------

हिंदुस्थान समाचार / वृषाली देशपांडे