बाकू, 9 नोव्हेंबर (हिं.स.)। पाकिस्तानचे पंतप्रधान शहबाज शरीफ यांनी पुन्हा एकदा अमेरिकेचे राष्ट्राध्यक्ष डोनाल्ड ट्रम्प यांचे भारत–पाकिस्तान संघर्ष थांबवण्यासाठी आभार मानले आहेत. त्यांनी सांगितले की, मे महिन्यात ट्रम्प यांच्या ‘धाडसी आणि निर्णायक नेतृत्वामुळे’ दोन्ही देशांमधील युद्ध टळले आणि दक्षिण आशियात शांतता प्रस्थापित झाली. ते अझरबैजानमधील विजय दिनाच्या परेडदरम्यान बाकूमध्ये बोलत होते.

शरीफ यांनी म्हटले की, राष्ट्राध्यक्ष ट्रम्प यांच्या निर्णायक भूमिकेने भारत आणि पाकिस्तान यांच्यातील संघर्ष थांबवण्यात महत्त्वाची भूमिका बजावली. त्यामुळे लाखो लोकांचे जीव वाचले आणि या प्रदेशात स्थैर्य आले. यावेळी आपल्या भाषणात शरीफ यांनी काश्मीर प्रश्नाचाही उल्लेख केला आणि सांगितले की, अझरबैजानच्या कराबाख विजयाने अत्याचाराविरुद्ध लढा देणाऱ्या सर्व देशांसाठी आशेची किरण निर्माण केली आहे. त्यांनी पुढे म्हटले की, पाकिस्तान शांतता इच्छितो, परंतु आपल्या सार्वभौमत्व आणि प्रादेशिक अखंडतेशी कोणताही तडजोड करणार नाही.

तथापि, भारत सरकारने पाकिस्तानचा दावा फेटाळून लावत सांगितले आहे की, भारत आणि पाकिस्तान यांच्यात 10 मे रोजी युद्धविराम परस्परत डजोडीने झाला होता आणि त्यात कोणत्याही तिसऱ्या देशाची भूमिका नव्हती.भारताने ‘ऑपरेशन सिंदूर’ 7 मे रोजी सुरू केले होते, जे पाहलगाम दहशतवादी हल्ल्याच्या प्रत्युत्तरात करण्यात आले होते. त्या हल्ल्यात 26 निरपराध नागरिकांचा मृत्यू झाला होता.

पाकिस्तान सरकारने मात्र अनेकदा ट्रम्प यांच्या भूमिकेचे कौतुक केले आहे, असे सांगत की मे महिन्यातील संघर्षादरम्यान त्यांनी मध्यस्थी केली होती. ट्रम्प यांनीही सोशल मीडियावर दावा केला होता की, वॉशिंग्टनच्या हस्तक्षेपानंतर दोन्ही देश ‘पूर्ण आणि तात्काळ युद्धविराम’ मान्य करण्यास तयार झाले.

---------------

हिंदुस्थान समाचार / Priyanka Bansode