नवी दिल्ली, 25 डिसेंबर (हिं.स.)। सुशासन, विकास आणि राष्ट्रीय एकतेचे प्रतीक असलेले भारतरत्न माजी पंतप्रधान अटल बिहारी वाजपेयी यांच्या 101 व्या जयंतीनिमित्त निवासी आयुक्त तथा सचिव आर विमला यांनी जुने महाराष्ट्र सदन येथे त्यांच्या प्रतिमेस पुष्पांजली वाहून अभिवादन केले.

या प्रसंगी महाराष्ट्र परिचय केंद्राचे संचालक हेमराज बागुल, सहायक निवासी आयुक्त नितीन शेंडे, सहायक निवासी आयुक्त स्मिता शेलार, महाराष्ट्र परिचय केंद्राच्या जनसंपर्क अधिकारी मनीषा पिंगळे, सहायक लेखाधिकारी निलेश केदारे तसेच महाराष्ट्र सदन व परिचय केंद्रातील अधिकारी आणि कर्मचारी उपस्थित होते.

यावेळी व्यवस्थापक महाराष्ट्र सदन प्रमोद कोलपते यांनी अटल बिहारी वाजपेयी यांच्या प्रेरणादायी जीवनाचा आणि भारतीय राजकारणातील त्यांच्या अविस्मरणीय योगदानाचा सर्वांना परिचय करून दिला.

---------------

हिंदुस्थान समाचार / हर्षदा गावकर