टोकियो , 26 डिसेंबर (हिं.स.)। जपानच्या मध्य भागात शुक्रवारी एका कारखान्यात चाकूने करण्यात आलेल्या हल्ल्यात अनेक जण जखमी झाले आहेत. स्थानिक माध्यमांच्या माहितीनुसार, ही घटना शिझुओका प्रांतातील मिशिमा शहरात असलेल्या एका रबर कारखान्यात घडली. जपानच्या एका वृत्तसंस्थेच्या हवाल्याने सांगण्यात आले आहे की एका व्यक्तीने कारखान्याच्या परिसरात चाकूने हल्ला केला, ज्यात किमान 14 जण जखमी झाले. याच वेळी हल्लेखोराने स्प्रे स्वरूपातील द्रव पदार्थाचाही वापर केला.सध्या सर्व जखमींना उपचारासाठी रुग्णालयात दाखल करण्यात आले आहे.

स्थानिक अग्निशमन विभागाच्या अधिकाऱ्यांनुसार, घटनेची माहिती मिळताच मदत व बचाव पथके तात्काळ घटनास्थळी पोहोचली आणि जखमींना लगेच रुग्णालयात हलवण्यात आले.

हल्ल्यानंतर संशयित आरोपीला कारखान्याच्या परिसरातूनच ताब्यात घेण्यात आले आहे. सध्या हल्लेखोराची ओळख, हल्ल्यामागील कारण तसेच जखमींची प्रकृती याबाबत सविस्तर माहिती समोर आलेली नाही. पोलिसांनी या प्रकरणाची चौकशी सुरू केली असून कारखान्यातील कर्मचाऱ्यांची चौकशी केली जात आहे. घटनेनंतर परिसरात सुरक्षा व्यवस्था कडक करण्यात आली आहे.

---------------

हिंदुस्थान समाचार / Priyanka Bansode