नवी दिल्ली, 3 डिसेंबर (हिं.स.)संगीतकार पलाश मुच्छल सध्या त्यांच्या वैयक्तिक आयुष्यामुळे चर्चेत आहेत. २३ नोव्हेंबर २०२५ रोजी त्याचे क्रिकेटपटू स्मृती मानधनासोबत लग्न होणार होते. पण स्मृतीच्या वडिलांच्या अचानक आजारामुळे लग्न पुढे ढकलण्यात आले. दरम्यान, पलाशने अलीकडेच संत प्रेमानंद महाराजांना भेटण्यासाठी वृंदावनला भेट दिली.

स्मृती मानधना आणि पलाश मुच्छल यांच्या लग्नाची तयारी सुरू झाली होती. मेहंदी आणि हळदीचे समारंभ आधीच पार पडले होते. पण लग्नाच्या काही तास आधी, स्मृतीच्या वडिलांची प्रकृती अचानक बिघडली. ज्यामुळे त्यांना रुग्णालयात दाखल करावे लागले होते. आणि लग्न पुढे ढकलण्यात आले. पलाश मुच्छल याचीही प्रकृतीही बिघडली आणि त्यालाही रुग्णालयात दाखल करण्यात आले. यानंतर त्याला विमानतळावर पाहिले गेले. पलाश मुच्छलचा एक फोटो सोशल मीडियावर व्हायरल होत आहे. ज्यामध्ये ते प्रेमानंद महाराजांच्या आश्रमात बसलेला दिसत आहेत.

लग्न पुढे ढकलल्याची घोषणा झाल्यानंतर मुच्छल पहिल्यांदाच सार्वजनिक ठिकाणी दिसला. १ डिसेंबर रोजी, त्याची आई अमिता आणि सुरक्षा कर्मचाऱ्यांसोबत विमानतळावर छायाचित्र काढण्यात आले. या काळात माध्यमांशी थेट संवाद साधण्याचे त्याने टाळले होते.

---------------

हिंदुस्थान समाचार / वृषाली देशपांडे