रायपूर, 3 डिसेंबर (हिं.स.)दक्षिण आफ्रिकेविरुद्धच्या दुसऱ्या एकदिवसीय सामन्यात विराट कोहलीची बॅट पुन्हा एकदा तळपली. कोहलीने एक दमदार खेळी केली आणि मालिकेतील सलग दुसरे शतक झळकावले. कोहलीने ९० चेंडूत त्याचे ५३ वे एकदिवसीय शतक पूर्ण केले. विराटच्या नावावर आता ८४ शतके झाली आहेत आणि तो आता फक्त एकदिवसीय क्रिकेट खेळतो. त्यामुळे, २०२७ च्या एकदिवसीय विश्वचषकापर्यंत, त्याला १०० शतके गाठण्यासाठी ४० ते ५० एकदिवसीय सामने खेळण्याची संधी मिळू शकते.

विराट कोहलीने आता सलग दोन किंवा त्याहून अधिक एकदिवसीय सामन्यांमध्ये शतके झळकावण्याचा विक्रम केला आहे. याचा अर्थ कोहलीने सलग ११ व्यांदा दोन किंवा त्याहून अधिक एकदिवसीय सामन्यांमध्ये शतके झळकावली आहेत. दक्षिण आफ्रिकेचा माजी कर्णधार एबी डिव्हिलियर्स या यादीत दुसऱ्या क्रमांकावर आहे. एबी डिव्हिलियर्सने दोन किंवा त्याहून अधिक एकदिवसीय सामन्यांमध्ये सहा वेळा शतके झळकावली आहेत.

याव्यतिरिक्त, विराट कोहलीने सचिन तेंडुलकरच्या विक्रमाची बरोबरी केली. खरं तर, तो वेगवेगळ्या ठिकाणी सर्वाधिक शतके झळकावणारा सचिनसह संयुक्त पहिला क्रिकेटपटू बनला आहे. रायपू या ठिकाणी कोहलीने ३४ वे एकदिवसीय शतक ठोकले आहे. विराट कोहलीपूर्वी सचिन तेंडुलकरने ३४ वेगवेगळ्या ठिकाणी एकदिवसीय शतके झळकावली होती.

वेगवेगळ्या ठिकाणी सर्वाधिक एकदिवसीय शतके झळकावणारे फंलदाज -

३४* विराट कोहली (भारत)

३४ सचिन तेंडुलकर (भारत)

२६ रोहित शर्मा (भारत)

२१ हाशिम अमला (दक्षिण आफ्रिका)

२१ एबी डिव्हिलियर्स (दक्षिण आफ्रिका)

कोहलीने चार वेगवेगळ्या प्रतिस्पर्ध्यांविरुद्ध सात किंवा त्याहून अधिक शतके झळकावली आहेत. त्याने श्रीलंकेविरुद्ध १०, वेस्ट इंडिजविरुद्ध नऊ, ऑस्ट्रेलियाविरुद्ध आठ आणि दक्षिण आफ्रिकेविरुद्ध सात शतके झळकावली आहेत. दक्षिण आफ्रिकेविरुद्ध एकदिवसीय सामन्यांमध्ये कोणत्याही क्रिकेटपटूने केलेली ही संयुक्त सर्वाधिक शतके आहेत. केन विल्यमसनने दक्षिण आफ्रिकेविरुद्धही तेवढीच शतके झळकावली आहेत.

कोहलीची दक्षिण आफ्रिकेविरुद्ध शेवटच्या तीन एकदिवसीय सामन्यातील कामगिरी:

१०१, कोलकाता, विश्वचषक २०२३

१३५, रांची, २०२५

१०२, रायपूर, २०२५

विराट कोहलीने ऋतुराज गायकवाडसोबत १५६ चेंडूत तिसऱ्या विकेटसाठी १९५ धावांची भागीदारी केली. गायकवाड ८३ चेंडूत १०९ धावा करून बाद झाला. दरम्यान, विराट कोहलीने १०२ धावा केल्या, त्याला लुंगी एनगिडीने बाद केले.

---------------

हिंदुस्थान समाचार / वृषाली देशपांडे