परभणी, 30 डिसेंबर (हिं.स.)। दक्षिण मध्य रेल्वेने प्रवाशांच्या प्रवासाच्या गुणवत्तेत सुधारणा करण्याच्या दृष्टीने काचीगुडा इंटरसिटी एक्सप्रेस गाड्यांच्या कोच संरचनेत बदल करण्यात येत असून, सदर गाड्यांमधील ICF कोचेस ऐवजी LHB कोचेस वापरण्यात येणार आहेत. हे बदल पुढील प्रमाणे—

गाडी क्रमांक 17641 काचीगुडा – नरखेड इंटरसिटी एक्सप्रेस ही गाडी काचीगुडा येथून 4 जानेवारी 2026 पासून आणि 5 जानेवारी 2026 पासून नरखेड येथून सुटणारी गाडी 17642 नरखेड - काचीगुडा इंटरसिटी एक्सप्रेस ICF कोचेसऐवजी LHB कोचेससह चालविण्यात येणार आहे. गाडी क्रमांक 17639 काचीगुडा – अकोला इंटरसिटी एक्सप्रेस ही काचीगुडा येथून सुटणारी गाडी 5 जानेवारी 2026 पासून आणि अकोला येथून सुटणारी गाडी 17640 अकोला-काचीगुडा इंटरसिटी एक्सप्रेस दिनांक 06 जानेवारी 2026 पासून ICF कोचेसऐवजी LHB कोचेससह चालविण्यात येणार आहे.

---------------

हिंदुस्थान समाचार / Chaitanya JayantRao Chitnis