बंगळूरू, 3 एप्रिल (हिं.स.)।एम चिन्नास्वामी स्टेडियमवर खेळल्या गेलेल्या सामन्यात गुजरातने आरसीबीचा ८ विकेट्सनी विजय मिळवला.आरसीबीने २० षटकांत आठ गडी गमावून १६९ धावा केल्या होत्या. प्रत्युत्तरात, गुजरातने १७.५ षटकांत दोन गडी गमावून १७० धावा करत सामना जिंकला.

आरसीबीने नाणेफेक गमावून प्रथम फलंदाजी करत १६९ धावा केल्या.१७० धावांच्या लक्ष्याचा पाठलाग करताना, गुजरात टायटन्सला ३२ धावांवर पहिला धक्का बसला. शुबमन गिल केवळ १४ धावा करून बाद झाला. येथून साई सुदर्शनला जोस बटलरची साथ मिळाली आणि त्यांनी मिळून पहिल्या ६ षटकांत संघाचा धावसंख्या ४२ धावांपर्यंत नेली आणि त्यानंतर दुसऱ्या विकेटसाठी दोघांमध्ये ४७ चेंडूत ७५ धावांची भागीदारी झाली. साई सुदर्शन ३६ चेंडूत ४९ धावा करून बाद झाला, तर बटलर शेवटपर्यंत फलंदाजी करत संघाला विजय मिळवून देऊन परतला. या सामन्यात जोस बटलरने ३९ चेंडूत ५ चौकार आणि ६ षटकारांसह ७३ धावांची नाबाद खेळी साकारली, याशिवाय शेरफेन रदरफोर्डनेही १८ चेंडूत ३० धावांची नाबाद खेळी केली.

या सामन्यात गुजरात टायटन्स संघाच्या गोलंदाजांनीही चांगली कामगिरी केली, ज्यामध्ये त्यांनी आरसीबीच्या ८ विकेट्स घेतल्या. आरसीबीने पॉवरप्लेमध्येच तीन विकेट्स गमावल्या, त्यानंतर लियाम लिव्हिंगस्टोनने ५४ धावा केल्या, ज्यामुळे आरसीबीला १६९ धावांपर्यंत पोहोचण्यास मदत झाली. लिव्हिंगस्टोन व्यतिरिक्त, जितेश शर्माने ३३ आणि टिम डेव्हिडने ३२ धावा केल्या. गुजरातकडून मोहम्मद सिराजने तीन तर साई किशोरने दोन विकेट्स घेतल्या. याशिवाय अर्शद खान, प्रसिद्ध कृष्णा आणि इशांत शर्मा यांनीही १-१ विकेट्स घेण्यात यश आले.

चालू हंगामातील गुजरातचा हा सलग दुसरा विजय आहे, तर आरसीबीला सलग दोन सामने जिंकल्यानंतर पहिल्यांदाच पराभवाचा सामना करावा लागला. या पराभवामुळे, रजत पाटीदारच्या नेतृत्वाखालील संघ पॉइंट्स टेबलच्या अव्वल स्थानावरून तिसऱ्या स्थानावर घसरला.दरम्यान, गुजरात चार गुणांसह आणि ०.८०७ च्या नेट रन रेटसह चौथ्या स्थानावर आहे. पहिल्या स्थानावर पंजाब किंग्ज चार गुणांसह आणि १.४८५ च्या नेट रन रेटसह आहे.

---------------

हिंदुस्थान समाचार / Priyanka Bansode