दिंडोरी, 1 जून (हिं.स.)।
दिंडोरी येथे आज रात्री आठ वाजता जाधव वस्तीवर रुद्र अमोल जाधव (वय ४ वर्षे) यांचे आजोबा दत्तात्रय जाधव यांच्या बरोबर घरात जात असताना लपून बसलेल्या बिबट्याने रुद्रवर झडप घातली व त्याला दत्तात्रय जाधव यांच्या हातातून हिसकावून नेले. दोन तास शोध घेतल्यानंतर रुद्रचा तपास लागला.
जखमी अवस्थेत रुद्रला दिंडोरी ग्रामीण रुग्णालयांत नेले असता डॉक्टरांनी रुद्रला मृत घोषित करण्यात आले. मागील महिन्यातच बिबट्याचा हल्ल्यात तरुण मुलीचा मृत्यू झाला होता, आणखी परत चालता बोलता बिबट्याने लहान बालकाला भक्ष केले आहे.
दरम्यान या घटनेने दिंडोरीतील सर्व शेतकऱ्यांनी आणि नागरिकांनी रास्ता रोको केला आहे. यात माजी आमदार धनराज महाले, आणि समीर हरिश्चंद्र चव्हाण, दिंडोरीतील अनेक नगरसेवक या रास्ता रोकोत सहभागी झाले आहेत. या मुळे नाशिक – सापुतारा मार्गावर वाहतूक ठप्प झाली आहे.
---------------
हिंदुस्थान समाचार / CHANDRASHEKHAR SUKHDEV GOSAVI
