लंडन, 2 जुलै (हिं.स.) :
भारत
आणि इंग्लंड यांच्यात आजपासून बर्मिंगहॅममधील एजबॅस्टन येथे 5 सामन्यांच्या
कसोटी मालिकेतील दुसरा कसोटी सामना खेळला जाणार आहे. पण त्यापूर्वीच एक संशयास्पद
पॅकेट सापडले आणि खळबळ उडाली. खरंतर, भारतीय संघ ज्या परिसरात राहत आहे त्या जवळील
सेंटेनरी स्क्वेअरमध्ये एक संशयास्पद पॅकेट आढळून आले.त्यानंतर खबरदारी म्हणून भारतीय
संघातील सदस्यांना बाहेर जाण्यास मनाई करण्यात आली.
बर्मिंगहॅम
सिटी सेंटर पोलिसांनी सोशल मीडियावर पोस्ट केल्यानंतर खेळाडूंना बाहेर न पडण्याचा
सल्ला देण्यात आला. भारतीय क्रिकेटपटू सहसा टीम हॉटेलजवळील परिसरात फिरत असत आणि
दुसऱ्या कसोटी सामन्यापूर्वी ब्रॉड स्ट्रीटवर वारंवार येत असत.
कर्णधार
शुभमन गिलसह एकूण आठ क्रिकेटपटूंनी एजबॅस्टन येथे सराव केला, तर संघातील इतर १० सदस्यांनी विश्रांती
घेतली. बर्मिंगहॅम सिटी सेंटर पोलिसांच्या एक्सवरील पोस्टमध्ये असे लिहिले आहे की, आम्ही बर्मिंगहॅम सिटी सेंटरमधील
सेंटेनरी स्क्वेअरभोवतीचा परिसर घेरला आहे आणि एका संशयास्पद पॅकेटची चौकशी करत
आहोत. दुपारी आम्हाला याची माहिती मिळाली. खबरदारी म्हणून, त्याची चौकशी सुरू असताना अनेक इमारती
रिकामी करण्यात आल्या. कृपया त्या भागात जाणे टाळा. तथापि, पोलिसांनी एक तासानंतर सुरक्षा घेर
हटवली.
---------------
हिंदुस्थान समाचार / Vrushali Surendra
