अकोला, 13 सप्टेंबर (हिं.स.) : अकोला जिल्ह्यातील दगडपारवा लघु प्रकल्प सध्या शंभर टक्के क्षमतेने भरला असून, धरण प्रशासनाने पाणी विसर्ग सुरू करण्याचा निर्णय घेतला आहे.आज धरणाची वक्रद्वार क्रमांक 1 आणि 4 प्रत्येकी 20 सेंटीमीटरने उघडण्यात आली आहे.या निर्णयामुळे प्रति सेकंद 16.56 घनमीटर इतका पाण्याचा विसर्ग नदी पात्रात सोडण्यात येत आहे.धरणाच्या पाणलोट क्षेत्रात सतत पावसाचे प्रमाण वाढल्यामुळे येणाऱ्या पाण्याचा ताण कमी करण्यासाठी ही उपाययोजना करण्यात आली आहे, अशी माहिती पूर नियंत्रण कक्ष, दगडपारवा प्रकल्प, अकोला यांनी दिली.तर नदीकाठच्या गावांतील नागरिकांनी सतर्क राहावे, असे आवाहन प्रशासनाने केले आहे. नदी पात्र ओलांडू नये, तसेच गावपातळीवर सतर्कता ठेवावी, असा इशारा देण्यात आला आहे.

---------------

हिंदुस्थान समाचार / जयेश गावंडे