नवी दिल्ली, 17 सप्टेंबर (हिं.स.) : रशियाचे राष्ट्राध्यक्ष व्लादिमीर पुतिन यांनी पंतप्रधान नरेंद्र मोदींना वाढदिवसानिमित्त फोनवरून शुभेच्छा दिल्या. तर पंतप्रधानांनी सोशल मिडीयावर संदेश जारी करत शुभेच्छांसाठी पुतिन यांचे आभार व्यक्त केले. पंतप्रधान म्हणाले की, ही शुभेच्छा दोन्ही देशांमधील सखोल आणि मजबूत संबंधांचा प्रतीक आहे. त्यांनी युक्रेन संघर्षाच्या शांततामय निराकरणासाठी भारताची भूमिका आणि तत्परता याबद्दलदेखील आपली भावना व्यक्त केली.

आपल्या संदेशात पंतप्रधान मोदी म्हणाले की, भारत यूक्रेन संघर्षाच्या शांतिपूर्ण निराकरणासाठी प्रत्येक प्रकारे योगदान देण्यासाठी तयार आहे. पंतप्रधान मोदी आणि पुतिन यांच्यात नेहमीच चांगले संबंध राहिले आहेत. दोन्ही नेत्यांनी विविध आंतरराष्ट्रीय मंचांवर एकमेकांशी भेट घेतली आहे. भारत आणि रशिया हे संरक्षण, ऊर्जा आणि व्यापार यांसारख्या महत्त्वपूर्ण क्षेत्रांत घट्ट भागीदार आहेत. पीएम मोदींच्या या संदेशावरून स्पष्ट आहे की, भारत रशियासोबत आपले संबंध आणखी घट्ट करू इच्छित आहे. यासोबतच, यूक्रेन युद्धाच्या शांततामय निराकरणासाठी भारत योगदान देण्यास तयार आहे. पंतप्रधानांच्या वाढदिवसानिमित्त पुतिन यांच्यासह, अनेक मान्यवरांकडून अभिष्टचिंतन करण्यात आले. दरवर्षी 17 सप्टेंबरला पीएम मोदींचा जन्मदिवस 'सेवा दिवस' म्हणून साजरा केला जातो. यावर्षी त्यांच्या जन्मदिनी विविध सामाजिक आणि डिजिटल अभियानांची सुरूवात करण्यात आली आहे.

---------------------------------

हिंदुस्थान समाचार / मनोहर कांडेकर