अकोला, 21 जानेवारी (हिं.स.) : अकोला शहरात अलीकडेच झालेल्या नगरपालिकेच्या निवडणुकीत काँग्रेसकडून २१ नगरसेवक निवडून आले असून, काँग्रेस दुसऱ्या क्रमांकाचा पक्ष ठरला आहे. या नवनिर्वाचित नगरसेवकांचा सत्कार आज अकोल्यातील स्वराज्य भवन येथे करण्यात आला.
सत्कार कार्यक्रमाला अखिल भारतीय काँग्रेस कमिटीचे महाराष्ट्र प्रभारी कुणाल चौधरी, आमदार साजित खान पठाण, तसेच काँग्रेसचे इतर पदाधिकारी उपस्थित होते.
कार्यक्रमात बोलताना कुणाल चौधरी यांनी भाजपवर जोरदार टीका केली. त्यांनी आरोप केला की भाजपकडून शहर आणि देशात फूट पाडण्याचे आणि तिरस्काराचे राजकारण केले जात आहे, मात्र अकोल्यातील जनतेने हे राजकारण ओळखून नाकारले आहे. त्यांनी संविधानाच्या मूल्यांवर विश्वास ठेवणाऱ्या पक्षांना सोबत घेऊन अकोल्यात महापौर करण्याचा निर्धार व्यक्त केला.
यादरम्यान, चंद्रपूरमधील कथित खासदार धनोकार आणि काँग्रेस नेते विजय वडेट्टीवार यांच्या पक्षांतर्गत मतभेद हे केवळ माध्यमांपुरते असल्याचे स्पष्ट करण्यात आले. काँग्रेसमध्ये कोणताही कलह नाही, असेही कुणाल चौधरी यांनी सांगितले.
-----------------
हिंदुस्थान समाचार / जयेश गावंडे
