* प्रति इक्विटी शेअरसाठी ६६० ते ६९३ रुपयांची किंमत श्रेणी निश्चित

मुंबई, 15 ऑक्टोबर (हिं.स.) - पारस हेल्थकेअर लिमिटेड कंपनी आपल्या इक्विटी शेअर्सच्या आयपीओ ऑफर संदर्भात बोली/ऑफर बुधवार, २१ ऑक्टोबर २०२६ रोजी खुली करेल. या ऑफरसाठी प्रति इक्विटी शेअर ६६० रुपये ते ६९३ रुपये अशी किंमत श्रेणी (प्राइस बँड) निश्चित करण्यात आली आहे. किमान २१ इक्विटी शेअर्ससाठी बोली लावता येईल आणि त्यानंतर २१ च्या पटीत बोली लावता येईल.

अँकर इन्व्हेस्टरसाठी बोली लावण्याची तारीख सोमवार, १९ ऑक्टोबर २०२६ असेल. बोली/ऑफर बुधवार, २१ ऑक्टोबर २०२६ रोजी खुली होईल. या ऑफरमध्ये ५०० कोटी रुपयांपर्यंतच्या नवीन इक्विटी शेअर्सची इश्यू आणि विक्री करणाऱ्या भागधारकाद्वारे ९५० कोटी रुपयांपर्यंतच्या इक्विटी शेअर्सची विक्री यांचा समावेश आहे. ऑफरचा एकूण आकार १४५० कोटी रुपयांपर्यंत आहे. प्रत्येक इक्विटी शेअरचे दर्शनी मूल्य १ रुपया आहे.

'रेड हेरिंग प्रॉस्पेक्टस'द्वारे देऊ केले जाणारे १ रुपया दर्शनी मूल्य असलेले हे इक्विटी शेअर्स बीएसई लिमिटेड आणि नॅशनल स्टॉक एक्सचेंज ऑफ इंडिया लिमिटेड (या दोन्ही स्टॉक एक्सचेंजेसना एकत्रितपणे स्टॉक एक्सचेंजेस असे संबोधले जाईल) या स्टॉक एक्सचेंजेसवर सूचीबद्ध करण्याचा प्रस्ताव आहे.

कंपनी निव्वळ प्राप्त रकमेचा वापर खालील बाबींसाठी करण्याचा प्रस्ताव ठेवते:

• कंपनीने घेतलेली काही थकीत कर्जे पूर्णपणे किंवा अंशतः परत करणे (नियत परतफेडीच्या वेळापत्रकानुसार किंवा त्याआधी);

• पूर्ण मालकीची उपकंपनी, 'प्लस केअर हॉस्पिटल्स प्रायव्हेट लिमिटेड' (“PMHPL”) (जी श्रीनगरमध्ये स्वतःचे रुग्णालय चालवते) हिच्यामध्ये गुंतवणूक करणे, ज्याद्वारे PMHPL च्या कर्जांची पूर्ण किंवा अंशतः परतफेड (नियत वेळापत्रकानुसार किंवा त्याआधी) केली जाईल; आणि

• सर्वसाधारण कॉर्पोरेट उद्दिष्टे.

जेएम फायनान्शिअल लिमिटेड, बोफा सिक्युरिटीज इंडिया लिमिटेड आणि नुवामा वेल्थ मॅनेजमेंट लिमिटेड हे या इश्यूसाठी 'बुक रनिंग लीड मॅनेजर्स' आहेत.

---------------

हिंदुस्थान समाचार / सुधांशू जोशी