मुंबई, 22 ऑक्टोबर (हिं.स.) - जागतिक स्तरावरील नाविन्यपूर्ण 'लाईफ सायन्सेस' कंपनी, 'झायडस लाईफसायन्सेस लिमिटेड' (झायडस) आणि 'पिंकाथॉन' (Pinkathon) यांनी नुकतीच आयोजित पत्रकार परिषदेत 'झायडस पिंकाथॉन'चा विस्तार सहा शहरांवरून १२ शहरांपर्यंत करण्याची घोषणा केली. 'झायडस पिंकाथॉन' आता मुंबई, कोची, बेंगळुरू, हैदराबाद, अहमदाबाद, दिल्ली, पुणे, कोलकाता, गुवाहाटी, जयपूर, चेन्नई आणि वाराणसी या शहरांमध्ये आयोजित केले जाईल. हा विस्तार 'पिंकाथॉन'च्या त्या व्यापक ध्येयातील एक महत्त्वाचा टप्पा आहे, ज्याद्वारे महिलांच्या धावण्याच्या या चळवळीला भारतातील ५२ शहरांपर्यंत पोहोचवण्याचे उद्दिष्ट ठेवण्यात आले आहे. याद्वारे फिटनेस, सामुदायिक सहभाग आणि महिलांचे आरोग्य यांबाबत अधिक जागरूकता निर्माण केली जाणार आहे.

भारतातील महिलांसाठीची सर्वात मोठी धावण्याची स्पर्धा (women’s run) म्हणून ओळखली जाणारी 'पिंकाथॉन', विविध वयोगटांतील, पार्श्वभूमीतील आणि क्षमता असलेल्या महिलांना एका समान व्यासपीठावर एकत्र आणते. या विस्तारामुळे 'स्तनाच्या कर्करोगाबाबत (breast cancer) जागरूकता' निर्माण करण्याच्या आणि 'लवकर निदान (early detection) करण्याच्या महत्त्वावर भर देणाऱ्या' 'झायडस'च्या प्रयत्नांना अधिक बळकटी मिळणार आहे. मागील हंगामात सहा शहरांमधून ३०,००० हून अधिक महिलांनी सहभाग नोंदवला होता. याच उत्साहाच्या जोरावर, यावर्षीचा 'झायडस पिंकाथॉन' (ज्याचे सादरीकरण 'म्युच्युअल फंड्स सही है' - 'Mutual Funds Sahi Hai' द्वारे केले जात आहे) १२ शहरांमध्ये ५०,००० महिलांना सहभागी करून घेण्याचे उद्दिष्ट ठेवत आहे. ३ किमी ते १०० किमी अशा विविध अंतरांच्या धावण्याच्या प्रकारांसह, हा उपक्रम अशा महिलांसाठी एक उत्तम व्यासपीठ आहे, ज्या फिटनेसच्या दिशेने आपली पहिली पावले टाकत आहेत, तसेच ज्या अनुभवी धावपटू आहेत आणि स्वतःच्या सहनशक्तीच्या सीमा विस्तारू इच्छितात, त्यांच्यासाठीही हे एक उत्तम व्यासपीठ ठरत आहे.

'झायडस लाईफसायन्सेस'चे (Zydus Lifesciences) व्यवस्थापकीय संचालक डॉ. शर्विल पटेल म्हणाले, झायडस पिंकॅथॉन आणि 'इजिएस्ट एक्झॅम' (Easiest Exam) उपक्रमाद्वारे, आमचा उद्देश स्तनाच्या स्व-तपासणीबाबतची (breast self-examination) माहिती अधिक सहज उपलब्ध करून देणे आणि या विषयावर मोकळेपणाने चर्चा करण्यास प्रोत्साहन देणे हा आहे. भारतात स्तनाच्या कर्करोगाचे लवकर निदान व्हावे आणि वेळेवर वैद्यकीय सल्ला घेतला जावा, या दिशेने हे एक महत्त्वपूर्ण पाऊल ठरेल. झायडस पिंकॅथॉनचा ​​विस्तार १२ शहरांपर्यंत केल्यामुळे, आम्ही हा संदेश अधिक व्यापक स्तरावर पोहोचवू शकू. आगामी सत्रात, यामुळे महिलांचा सहभाग वाढण्यासोबतच, ऑन्कोलॉजिस्ट (कर्करोग तज्ज्ञ) आणि स्त्रीरोगतज्ज्ञ (gynecologists) यांसारख्या आरोग्यसेवा व्यावसायिकांचा सहभागही अधिक बळकट होण्यास मदत होईल.

झायडस फाउंडेशनच्या उपाध्यक्षा मेहा पटेल यांनी सांगितले, महिला अनेकदा इतरांच्या गरजा पूर्ण करताना स्वतःच्या आरोग्याकडे दुर्लक्ष करतात किंवा स्वतःच्या आरोग्याला दुय्यम स्थान देतात. ही परिस्थिती बदलण्यासाठी घरातून धैर्याची आणि समाजाकडून पाठिंब्याची आवश्यकता असते. ‘झायडस पिंकाथॉन’ (Zydus Pinkathon) महिलांना एकत्र येण्याची, एकमेकींशी अनुभव शेअर करण्याची आणि आपल्या आरोग्याविषयी मोकळेपणाने चर्चा करण्याची संधी देते. आम्हाला आशा आहे की, प्रत्येक सहभागी महिला हे धैर्य आपल्या मैत्रिणी, बहिणी किंवा आईपर्यंत पोहोचवेल, ज्यामुळे अधिक महिलांना स्वतःच्या आरोग्याकडे योग्य लक्ष देण्यास मदत होईल.

'म्युच्युअल फंड्स सही है' (Mutual Funds Sahi Hai) आणि झायडस पिंकॅथॉन (Zydus Pinkathon) महिला सक्षमीकरणाचे दोन महत्त्वाचे आधारस्तंभ एकत्र आणते. शारीरिक आरोग्य आणि आर्थिक सुस्थिती. 'म्युच्युअल फंड्स सही है' या उपक्रमाद्वारे जो 'असोसिएशन ऑफ म्युच्युअल फंड्स इन इंडिया' (AMFI) सोबतच्या भागीदारीतून राबवला जात आहे. या संस्थेचा उद्देश महिलांना त्यांच्या सर्वांगीण कल्याणासाठी अधिक सक्रिय दृष्टिकोन स्वीकारण्यास प्रोत्साहित करणे हा आहे. यामध्ये सुरक्षित भविष्यासाठी आर्थिक निर्णय घेण्याबाबत जागरूक राहण्याचाही समावेश होतो. ही भागीदारी या विचाराला बळकटी देते की, महिलांचे सक्षमीकरण म्हणजे त्यांच्या आरोग्याला, आत्मविश्वासाला आणि आर्थिक जागरूकतेला पाठिंबा देणे होय.

---------------

हिंदुस्थान समाचार / सुधांशू जोशी