कोलकाता, 04 ऑक्टोबर (हिं.स.) ऑल इंडिया फुटबॉल फेडरेशनने कोलकात्यात आपली विशेष सर्वसाधारण सभा आयोजित केली होती. या बैठकीत २० डिसेंबर २०२६ रोजी सार्वत्रिक निवडणुका घेण्याचा निर्णय घेण्यात आला. हरियाणाचे माजी राज्य निवडणूक आयुक्त राजीव शर्मा यांची निवडणूक अधिकारी म्हणून नियुक्ती करण्यात आली. तसेच, सध्याच्या कार्यकारी समितीचा कार्यकाळ ३० डिसेंबरपर्यंत किंवा नवीन निवडून आलेली समिती पदभार स्वीकारेपर्यंत वाढवण्यात आला.

ऑल इंडिया फुटबॉल फेडरेशनने कोलकात्यात आपली विशेष सर्वसाधारण सभा आयोजित केली होती. या बैठकीला AIFF च्या कार्यकारी समितीचे सदस्य, सदस्य संघटनांचे प्रतिनिधी आणि फिफा व एएफसीचे अधिकारी उपस्थित होते. ऑल इंडिया फुटबॉल फेडरेशनच्या सार्वत्रिक निवडणुका २० डिसेंबर २०२६ रोजी घेतल्या जातील, असा ठराव सर्वसाधारण सभेने मंजूर केला.

निवडणुकीच्या कामकाजावर देखरेख ठेवण्यासाठी हरियाणाचे माजी राज्य निवडणूक आयुक्त राजीव शर्मा यांची निवडणूक अधिकारी म्हणून नियुक्ती करण्यात आली आहे. तसेच, सध्याच्या AIFF कार्यकारी समितीचा कार्यकाळ ३० डिसेंबर २०२६ पर्यंत किंवा नवीन कार्यकारी समिती पदभार स्वीकारेपर्यंत वाढवण्याचा निर्णयही सर्वसाधारण सभेने घेतला आहे.

AIFF च्या मागील निवडणुका २ सप्टेंबर २०२२ रोजी झाल्या होत्या, तेव्हा कल्याण चौबे यांनी चार वर्षांच्या कार्यकाळासाठी पदभार स्वीकारला होता.

फेडरेशनचे अधिकारी सध्या कोलकात्यात आहेत. येथे भारतीय पुरुष राष्ट्रीय संघ दक्षिण अमेरिकेतील बलाढ्य संघ असलेल्या ब्राझील आणि उरुग्वेविरुद्ध अनुक्रमे ३ आणि ६ ऑक्टोबर रोजी सामने खेळणार आहे; त्याआधी २५ सप्टेंबर रोजी बंगळुरूमध्ये भारताचा सामना पनामाशी होणार आहे.

---------------

हिंदुस्थान समाचार / वृषाली देशपांडे