टोकियो, 08 नोव्हेंबर (हिं.स.)।जपानमध्ये पुन्हा एकदा भूकंपाचे धक्के जाणवले आहेत. जपानमध्ये रविवारी पहाटे ५.७ रिश्टर स्केल तीव्रतेचा शक्तिशाली भूकंप झाला. या भूकंपात अनेक जण जखमी झाले असून, जपानी माध्यमांच्या वृत्तानुसार, जखमींची संख्या डझनावारी असल्याचे सांगण्यात येत आहे.

जपानच्या हवामानशास्त्र संस्थेने दिलेल्या माहितीनुसार, स्थानिक वेळेनुसार पहाटे १ वाजून ४ मिनिटांनी भूकंप झाला. या भूकंपाचा केंद्रबिंदू शिजुओका प्रांताच्या पश्चिम भागात जमिनीखाली सुमारे ४० किलोमीटर खोलीवर होता.जपानच्या भूकंप तीव्रता मापन पद्धतीनुसार, आयची प्रांतातील चिता येथे भूकंपाची तीव्रता ५ च्या वरच्या स्तरावर नोंदवण्यात आली. तर आयची, नागानो आणि गिफू प्रांतांतील काही भागांत ५ च्या खालच्या स्तरावरील धक्के जाणवले. यावरून मध्य जपानमधील मोठ्या भूप्रदेशात भूकंपाचे धक्के जाणवल्याचे स्पष्ट झाले आहे.

मुख्य भूकंपानंतर काही लहान धक्केही बसले. जपान सरकारने प्रभावित भागांतील परिस्थितीचा आढावा घेण्यासाठी आणि मदतकार्याचा समन्वय साधण्यासाठी आपत्कालीन संपर्क कार्यालय स्थापन केले आहे.दरम्यान, या भूकंपामुळे त्सुनामीचा कोणताही धोका नसल्याचे जपानच्या हवामानशास्त्र संस्थेने स्पष्ट केले आहे. प्रशासनाकडून परिस्थितीवर बारकाईने लक्ष ठेवण्यात येत असून, जखमींवर उपचार सुरू आहेत.

---------------

हिंदुस्थान समाचार / Priyanka Bansode