इस्लामाबाद, 03 फेब्रुवारी (हिं.स.)। पाकिस्तानमधील कराची शहरात कुख्यात गँगस्टर रहमान डकैतच्या मुलाला पुन्हा एकदा पोलिसांनी अटक केली आहे. ल्यारी परिसरातील अंडरवर्ल्डशी संबंधित हे नाव पुन्हा एकदा चर्चेत आले आहे, कारण रहमान डकैतचा मुलगा जिब्रान याला बेकायदेशीर पिस्तुलसह अटक करण्यात आली आहे.
पोलिसांच्या माहितीनुसार, जिब्रान हा जुना गुन्हेगार असून तो यापूर्वी अनेकदा तुरुंगात गेला आहे आणि तरीही तो पुन्हा गुन्हेगारी मार्गावर सक्रिय होता. कलाकोट पोलिसांनी जिब्रानला सोमवारी अटक केली असून त्याच्याकडून एक बेकायदेशीर पिस्तुल जप्त करण्यात आले आहे. पोलिसांनी दिलेल्या निवेदनात स्पष्ट केले आहे की, जिब्रान अब्दुल रहमान उर्फ रहमान डकैतचा मुलगा असून तो दीर्घकाळापासून गुन्हेगारी विश्वात सक्रिय आहे.
रहमान डकैत हा ल्यारीमधील गँग वॉरमधील एक कुख्यात नाव होता. तो ८० हून अधिक गुन्हेगारी प्रकरणांमध्ये सहभागी होता आणि ल्यारीतील गँग वॉरचे केंद्रबिंदू मानला जात होता. २००९ मध्ये कराची पोलिसांनी रहमान डकैत आणि त्याच्या तीन साथीदारांना चकमकीत ठार केले होते. रहमान डकैतच्या मृत्यूनंतरही त्याच्या कुटुंबातील काही सदस्य गुन्हेगारी विश्वात सक्रिय राहिले. २०२४ मध्ये त्याच्या एका मुलाला कथित पोलिस चकमकीत ठार करण्यात आले होते.
---------------
हिंदुस्थान समाचार / Priyanka Bansode
