मुंबई, 04 फेब्रुवारी (हिं.स.)। आय फायनान्स लिमिटेडने आपल्या पहिल्या प्रारंभिक सार्वजनिक प्रस्तावासाठी (आयपीओ) प्रत्येक २ रुपये दर्शनी मूल्याच्या इक्विटी शेअरसाठी १२२ रुपये ते १२९ रुपये किंमतपट्टा निश्चित केला आहे. कंपनीचा प्रारंभिक सार्वजनिक प्रस्ताव (आयपीओ किंवा इश्यू) सोमवार, ९ फेब्रुवारी, २०२६ रोजी खुला होईल आणि बुधवार, ११ फेब्रुवारी, २०२६ रोजी बंद होईल. गुंतवणूकदार किमान ११६ इक्विटी शेअर्ससाठी आणि त्यानंतर ११६ इक्विटी शेअर्सच्या पटीत बोली लावू शकतात.

आजच्या तारखेनुसार, २ रुपये दर्शनी मूल्याचे १९१,७४५,५०७ इक्विटी शेअर्स ‘आऊटस्टँडिंग’ आहेत. हा आयपीओ ७१० कोटी रुपयांपर्यंतचा नवीन इश्यू आणि गुंतवणूकदार – अल्फा वेव्ह इंडिया I LP, एमएजे इन्व्हेस्ट फायनान्शियल इन्क्लुजन फंड II K/S, कॅपिटलजी एलपी, एलजीटी कॅपिटल इन्व्हेस्ट मॉरिशस पीसीसी विथ सेल E/VP, आणि विक्रम जेटली यांच्याद्वारे ३०० कोटी रुपयांपर्यंतचा विक्री-प्रस्ताव आहे.

ही कंपनी एक नॉन-बँकिंग वित्तीय कंपनी – मिडल लेयर (एनबीएफसी-ML) आहे, जी संपूर्ण भारतातील सूक्ष्म, लघु आणि मध्यम उद्योगांना (एमएसएमई) कर्ज देण्यावर लक्ष केंद्रित करते. ही कंपनी उत्पादन, व्यापार, सेवा आणि संबंधित कृषी क्षेत्रांतील ग्राहकांना खेळत्या भांडवलासाठी आणि व्यवसायाच्या विस्ताराच्या गरजांसाठी, खेळत्या मालमत्तेच्या गहाणवट किंवा मालमत्तेच्या सुरक्षेच्या बदल्यात विविध प्रकारची व्यावसायिक कर्जे प्रदान करते. ही कंपनी भारतातील मोठ्या प्रमाणावर दुर्लक्षित असलेल्या सूक्ष्म-स्तरीय उद्योगांना व्यवसाय कर्ज पुरवणाऱ्या अग्रगण्य नॉन-बँकिंग वित्तीय कंपन्यांपैकी (एनबीएफसी) एक आहे, ज्याचे १८ राज्ये आणि ३ केंद्रशासित प्रदेशांमध्ये ५८६,८२५ सक्रिय ग्राहक आहेत आणि ३० सप्टेंबर, २०२५ पर्यंत व्यवस्थापनाखालील मालमत्ता (एयूएम) ६०,२७६.२२ रुपये दशलक्ष आहे. (स्रोत - क्रिसिल अहवाल)

ही कंपनी सूक्ष्म उद्योगांना ०.१८ रुपये दशलक्षच्या सरासरी तिकीट आकाराचे (एटीएस) लहान-रकमेचे व्यवसाय कर्ज देते.

विविध व्यावसायिक समूहांच्या व्यवसायातील रोख प्रवाहाचे मूल्यांकन करण्याच्या तिच्या कौशल्यामुळे कंपनीला स्थिर पत खर्च राखणे शक्य झाले आहे आणि तिच्या कामकाजाचा फायदेशीरपणे विस्तार करता आला आहे.

समकक्ष एमएसएमई-केंद्रित एनबीएफसीमध्ये ही कंपनी भौगोलिकदृष्ट्या सर्वाधिक वैविध्यपूर्ण कर्जदाती संस्था आहे. (स्रोत - क्रिसिल अहवाल).

३० सप्टेंबर, २०२५ रोजी संपलेल्या सहा महिन्यांसाठी कंपनीचा कामकाजातून मिळणारा महसूल ८४३.५ कोटी रुपये होता, तर एक वर्षापूर्वी तो ६९२ कोटी रुपये होता. आर्थिक वर्ष २५ मध्ये तिचा कामकाजातून मिळणारा महसूल १,४५९.७३ कोटी रुपये होता, तर आर्थिक वर्ष २३ मध्ये तो ६२३.४२ कोटी रुपये होता.

आर्थिक वर्ष २५ मध्ये कंपनीचा निव्वळ नफा १७५.२५ कोटी रुपये होता, तर आर्थिक वर्ष २३ मध्ये तो ३९.८७ कोटी रुपये होता.

ॲक्सिस कॅपिटल लिमिटेड, आयआयएफएल कॅपिटल सर्व्हिसेस लिमिटेड, जेएम फायनान्शियल लिमिटेड आणि नुवामा वेल्थ मॅनेजमेंट लिमिटेड हे या ऑफरचे बुक-रनिंग लीड मॅनेजर आहेत आणि केफिन टेक्नॉलॉजीज लिमिटेड ही या ऑफरची रजिस्ट्रार आहे.

ही ऑफर बुक-बिल्डिंग प्रक्रियेद्वारे दिली जात आहे, ज्यामध्ये निव्वळ ऑफरपैकी ७५ टक्क्यांपेक्षा जास्त भाग पात्र संस्थात्मक खरेदीदारांना, आणि निव्वळ ऑफरपैकी १५ टक्के आणि १० टक्क्यांपेक्षा जास्त भाग अनुक्रमे बिगर-संस्थात्मक बोलीदारांना आणि किरकोळ वैयक्तिक बोलीदारांना वाटप केला जाणार नाही.

---------------

हिंदुस्थान समाचार / Suraj Chaugule