चंद्रपूर, 04 मार्च (हिं.स.) चंद्रपूर जिल्ह्यातील जिवती तालुक्यात ‘छत्रपती शिवाजी महाराज महसूल समाधान शिबिर’ाचे आयोजन करण्यात आले आहे. महसूल विभागांतर्गत ग्रामीण भागातील सर्वसामान्य नागरिक, शेतकरी, विद्यार्थी व महिलांच्या दैनंदिन महसुली प्रश्नांचे त्वरित निराकरण करण्यासाठी राज्य शासनाने प्रत्येक तालुक्यात मंडळ स्तरावर अशी शिबिरे घेण्याच्या सूचना दिल्या आहेत.
महसूल प्रशासन अधिक लोकाभिमुख, कार्यक्षम व गतिमान करण्याच्या उद्देशाने या शिबिरांद्वारे विविध तक्रारींचे निवारण तसेच शासकीय योजनांची माहिती व मार्गदर्शन दिले जाणार आहे.
या अनुषंगाने जिवती तालुक्यात खालीलप्रमाणे शिबिरांचे आयोजन करण्यात आले आहे :
7 मार्च 2026 – शासकीय आश्रम शाळा, पाटण
14 मार्च 2026 – जिल्हा परिषद प्राथमिक शाळा, टेकामांडवा
10 एप्रिल 2026 – शासकीय आश्रम शाळा, पाटण
17 एप्रिल 2026 – जिल्हा परिषद प्राथमिक शाळा, टेकामांडवा
8 मे 2026 – विदर्भ कॉलेज, जिवती
15 मे 2026 – तहसील कार्यालय, जिवती
तहसीलदार रुपाली मोगरकर यांनी तालुक्यातील नागरिकांनी मोठ्या संख्येने उपस्थित राहून विविध शासकीय योजनांचा लाभ घ्यावा, असे आवाहन केले आहे.
----------------------
हिंदुस्थान समाचार / एम.पंकजराव
