रत्नागिरी, 20 एप्रिल, (हिं. स.) : जिल्ह्यातील बेरोजगार उमेदवारांना विविध क्षेत्रात रोजगाराच्या संधी उपलब्ध करून देण्याच्या उद्देशाने मंगळवार दि. २८ एप्रिल रोजी उद्योग भवन, लोटे परशुराम इंडस्ट्रियल असेाशिएशन, एमआयडीसी लोटे, ता. खेड येथे पंडित दीनदयाळ उपाध्याय रोजगार मेळाव्याचे आयोजन करण्यात आले आहे.

या रोजगार मेळाव्यात सहभागी होण्यासाठी उमेदवारांनी www.mahaswayam.gov.in या संकेतस्थळावर नोंदणी करणे बंधनकारक आहे. नोंदणीकृत उमेदवारांनी आपले प्रोफाइल अद्ययावत ठेवावे. तसेय, नोंदणी केलेल्या उमेदवारांनी आपल्या युझर आयडी व पासवर्डच्या सहाय्याने दि. २८ एप्रिल रोजी आयोजित पंडित दीनदयाळ उपाध्याय रोजगार मेळाव्यासाठी ऑनलाइन नोंदणी करावी. मेळाव्याच्या दिवशी बायोडाटा व आवश्यक शैक्षणिक कागदपत्रांच्या प्रतीसह मुलाखतीकरिता प्रत्यक्ष उपस्थित राहावे.

ज्या उमेदवारांनी नोंदणी केलेली नाही त्यांनी या कार्यालयाशी संपर्क साधून त्वरित नोंदणी करून घ्यावी, असे आवाहन करण्यात येत आहे.

जिल्ह्यातील जास्तीत जास्त बेरोजगार तरुणांनी या रोजगार मेळाव्याचा लाभ घ्यावा, असे आवाहन जिल्हा कौशल्य विकास, रोजगार व उद्योजकता मार्गदर्शन केंद्राचे प्र.सहाय्यक आयुक्त मोरेश्वर दुधाळ यांनी केले आहे.

---------------

हिंदुस्थान समाचार / रत्नागिरी