-आशियाई बॉक्सिंग चॅम्पियनशिपमध्ये भारतीय महिला संघ अव्वल स्थानी -भारतीय संघाने ४ सुवर्ण पदकांसह एकूण १० पदके पटकावल-मीनाक्षी, प्रिया, अरुंधती आणि प्रीतीला सुवर्णपदक

उलानबातर, 09 एप्रिल (हिं.स.)भारतीय महिला संघाने आशियाई बॉक्सिंग चॅम्पियनशिपमध्ये उत्कृष्ट कामगिरी केली. भारतीय संघाने पदक तालिकेत अव्वल स्थान पटकावून आपल्या मोहिमेचा शेवट केला. भारताने ४ सुवर्ण पदकांसह एकूण १० पदके जिंकली. भारतीय महिलांनी ही कामगिरी करत विविध गटांमध्ये आपले वर्चस्व प्रस्थापित केले.

प्रशिक्षक सँटियागो नीवा यांच्या मार्गदर्शनाखाली भारतीय महिला संघाने उत्कृष्ट कामगिरी केली. यावेळी भारतीय बॉक्सिंग फेडरेशनचे अध्यक्ष अजय सिंग हेही उपस्थित होते. मीनाक्षीने ४८ किलो वजनी गटात सुवर्णपदक जिंकून दिवसाची सुरुवात केली. तिने मंगोलियाच्या नोमुंडारी एन्ख-अमगलनवर ५-० असा विजय मिळवला. येथूनच भारताच्या वर्चस्वाची सुरुवात झाली आणि भारतीय संघातील प्रत्येक सदस्य पदक घेऊन परतला.

भारतीय संघाने २०२६ च्या आशियाई बॉक्सिंग चॅम्पियनशिपमध्ये एकूण १० पदके जिंकली. यामध्ये ४ सुवर्ण, २ रौप्य आणि ४ कांस्य पदकांचा समावेश आहे. यामुळे भारताने स्पर्धेत आपले वर्चस्व कायम राखले. प्रत्येक खेळाडूने पदक जिंकले, हे या स्पर्धेचे वैशिष्ट्य होते.

मीनाक्षीने भारताच्या सुवर्णपदक विजयाची मालिका सुरू केली. तिने मंगोलियाच्या नोमुंडारी एन्ख-अमगलनला एकतर्फी लढतीत ५-० ने पराभूत करून विजय मिळवला. येथूनच भारताच्या सुवर्णपदक विजयाच्या मालिकेची सुरुवात झाली. प्रियाने ६० किलो वजनी गटात उत्कृष्ट कामगिरी केली. तिने उत्तर कोरियाच्या वॉन उन-ग्योंगला ३-० ने पराभूत करून सुवर्णपदक पटकावले. अरुंधतीने ७० किलो वजनी गटात भारतासाठी सुवर्णपदक जिंकले. तिने कझाकस्तानच्या बकित सेयिडिशला ४-१ ने पराभूत करून भारताच्या सुवर्णपदकांची संख्या वाढवली. प्रीतीनेही सुवर्णपदक जिंकले, ज्यामुळे भारताच्या पदकांची एकूण संख्या चार झाली आणि भारताने अव्वल स्थानी राहून आपल्या मोहिमेचा शेवट केला.

भारताने आपल्या पदकतालिकेत आणखी दोन रौप्य पदकांची भर घातली. जास्मिन (57 किलो) ने शानदार कामगिरी करत उपविजेतेपद पटकावले, तर अल्फियान पठाण (80+ किलो) ने देखील आपल्या अंतिम लढतीनंतर रौप्य पदक जिंकले.

---------------

हिंदुस्थान समाचार / वृषाली देशपांडे