नवी दिल्ली, 02 मे (हिं.स.)। आम आदमी पार्टी सोडून भाजपमध्ये सहभागी झालेले राज्यसभा सदस्य संदीप पाठक यांच्या विरोधात पंजाबमध्ये दोन एफआयआर नोंद करण्यात आल्या आहेत. भाजपने भगवंत मान सरकारवर निशाणा साधत हे सूडभावनेतून करण्यात आलेली कारवाई असल्याचा आरोप केला आहे.
भाजपचे खासदार सुधांशु त्रिवेदी यांनी शनिवारी माध्यमांशी बोलताना पंजाबमधील कायदा-सुव्यवस्थेवर प्रश्न उपस्थित करत सांगितले की, पंजाब पोलिसांनी राज्यसभा सदस्य संदीप पाठक यांच्या निवासस्थानी छापा टाकण्याचा प्रयत्न केला, तर राज्यातील कायदा-सुव्यवस्थेची स्थिती आधीपासूनच खराब आहे. आम आदमी पार्टीच्या सरकारमध्ये पोलिस गुन्ह्यांवर नियंत्रण ठेवण्याऐवजी अशा प्रकारच्या कारवाया करत आहेत.
त्यांनी सांगितले की, भगवंत मान सरकारबद्दल लोकांच्या मनात नाराजी आहे. याच हताशा, निराशा आणि संतापातून सूडभावनेने ही कारवाई केली जात आहे. त्यांनी अरविंद केजरीवाल यांच्याकडे उत्तर मागत ‘नवीन राजकारण’ या दाव्यांवरही प्रश्नचिन्ह उपस्थित केले.
---------------
हिंदुस्थान समाचार / Suraj Chaugule
