नवी दिल्ली, 31 मे (हिं.स.) : देशाचे नवे चीफ ऑफ डिफेन्स स्टाफ (CDS) जनरल एन.एस. राजा सुब्रमणी यांनी रविवारी पदभार स्वीकारला. दिल्लीत त्यांना साऊथ ब्लॉक लॉन्समध्ये गार्ड ऑफ ऑनर देण्यात आले. ते देशाचे तिसरे तिसरे आहेत. त्यांनी जनरल अनिल चौहान शनिवारी निवृत्त झाले. त्यांच्या जागी सुब्रमणी यांनी घेतली. सुब्रमणी यांचे वैशिष्ट्य म्हणजे ते पाकिस्तान-चीन प्रकरणांचे तज्ज्ञ आहेत. तसेच सैन्यात थिएटर कमांड मॉडेल लागू करण्याचे महत्वपूर्ण कार्य केले आहे.

पदभार स्वीकारल्यानंतर त्यांनी सांगितले की, भारतीय सेना, नौदल, वायुसेना, संरक्षण मंत्रालय आणि सर्व संबंधित संस्था देशाची सुरक्षा मजबूत करण्यासाठी एकवटल्या आहेत. भारतीय सैन्यात स्वदेशी शस्त्रे आणि लष्करी उपकरणांचे अद्ययावतीकरण, त्यांची खरेदी आणि वापर वेगवान केला जाईल. सैन्याची ताकद वाढवण्यासाठी नवीन विचार आणि नवीन पद्धती अवलंबल्या जातील.

कोण आहेत सुब्रमणी

एन.एस. राजा सुब्रमणी यांनी डिसेंबर 1985 मध्ये गढवाल रायफल्समधून सैन्यात कमिशन घेतले होते. त्यांनी नॅशनल डिफेन्स अकादमीमधून लष्करी प्रशिक्षण घेतले. त्यानंतर ते ब्रिटनमधील ब्रॅकनेल येथील जॉइंट सर्विसेस कमांड अँड स्टाफ कॉलेजमध्येही गेले. भारतात परतल्यानंतर त्यांना माउंटेन ब्रिगेडमध्ये ब्रिगेड मेजरची जबाबदारी देण्यात आली. नंतर त्यांनी दिल्लीच्या नॅशनल डिफेन्स कॉलेजमधून शिक्षण घेतले. त्यांच्याकडे लंडनच्या किंग्स कॉलेजमधून मास्टर ऑफ आर्ट्स आणि मद्रास विद्यापीठातून डिफेन्स स्टडीजमध्ये एम.फिल.ची पदवी देखील आहे.

सुब्रमणी सध्या राष्ट्रीय सुरक्षा परिषद सचिवालयात लष्करी सल्लागार म्हणून कार्यरत आहेत. हे पद त्यांनी सप्टेंबर २०२५ पासून सांभाळले आहे. यापूर्वी त्यांनी जुलै २०२४ ते जुलै २०२५ दरम्यान लष्कराचे उपप्रमुख म्हणून काम केले होते. ३५ वर्षांपेक्षा अधिक काळ लष्करी कारकिर्दीत त्यांनी अनेक महत्त्वाच्या ऑपरेशनल आणि धोरणात्मक पदांवर काम केले आहे.

सुब्रमणी यांना परम विशिष्ट सेवा पदक, अति विशिष्ट सेवा पदक, सेना पदक आणि विशिष्ट सेवा पदकाने सन्मानित करण्यात आले आहे. जम्मू-काश्मीरमधील सांबा येथे १६८ इन्फंट्री ब्रिगेडची कमान सांभाळली. वेलिंग्टन येथील डिफेन्स सर्व्हिसेस स्टाफ कॉलेजमध्ये मुख्य प्रशिक्षक होते.

चीफ ऑफ डिफेन्स स्टाफ हा देशाच्या तिन्ही सेना म्हणजे सेना, नौदल, वायुसेना यांच्यात समन्वय साधणारा सर्वात वरिष्ठ लष्करी अधिकारी असतो. हे चार-स्टार रँकचे पद आहे. सीडीएस हा चीफ्स ऑफ स्टाफ कमिटीचा स्थायी अध्यक्ष आणि संरक्षण मंत्रालयाच्या डिपार्टमेंट ऑफ मिलिटरी अफेअर्सचा प्रमुख देखील असतो.

---------------

हिंदुस्थान समाचार / सुधांशू जोशी