लातूर, 24 जून (हिं.स.)।

: लातूर येथील बार्शी रोडवर असलेल्या आदिवासी मुलांच्या शासकीय वसतिगृहात शैक्षणिक वर्ष २०२६-२७ करिता कनिष्ठ महाविद्यालय, पदविका, पदवी, पदव्युत्तर पदवी आणि व्यावसायिक अभ्यासक्रमांमध्ये शिकणाऱ्या विद्यार्थ्यांसाठी ऑनलाईन प्रवेश प्रक्रिया १ जुलै, २०२६ पासून सुरू होत आहे. अनुसूचित जमातीच्या इच्छुक व पात्र विद्यार्थ्यांनी 'www.swayam.mahaonline.gov.in' या संकेतस्थळावर जाऊन आपले वसतिगृह प्रवेशाचे ऑनलाईन अर्ज विहित मुदतीत सादर करावेत. या प्रवेश प्रक्रियेच्या अधिक माहितीसाठी विद्यार्थ्यांनी टोल फ्री क्रमांक १८००२६७०००७ वर संपर्क साधावा, असे आवाहन लातूर येथील आदिवासी मुलांच्या शासकीय वसतिगृहाचे गृहपाल यांनी केले आहे.

---------------

हिंदुस्थान समाचार / Mahesh Madanrao Chitnis