नवी दिल्ली, 21 जुलै (हिं.स.)।देशांतर्गत सराफा बाजारात सोमवारी सकाळच्या व्यवहारात सोने आणि चांदीच्या दरात वाढ झाल्याचे चित्र पाहायला मिळाले. जागतिक बाजारातील घडामोडी, सुरक्षित गुंतवणुकीकडे वाढलेला कल आणि मौल्यवान धातूंना मिळत असलेली मागणी यामुळे सोन्याच्या किमतींमध्ये तेजी कायम आहे. याचा परिणाम देशातील बहुतांश सराफा बाजारांमध्ये दिसून आला असून २४ कॅरेट सोन्याचा दर प्रति १० ग्रॅम १ लाख ४३ हजार ४७० रुपयांपासून १ लाख ४३ हजार ६२० रुपयांपर्यंत पोहोचला आहे. त्याचप्रमाणे २२ कॅरेट सोन्याचा दर प्रति १० ग्रॅम १ लाख ३१ हजार ५१० रुपयांपासून १ लाख ३१ हजार ६६० रुपयांदरम्यान नोंदवला गेला आहे.

चांदीच्या दरातही मोठी उसळी पाहायला मिळाली आहे. प्रति किलो ५ हजार २०० रुपयांची वाढ झाल्यानंतर दिल्ली सराफा बाजारात चांदीचा भाव २ लाख ३५ हजार १०० रुपये प्रति किलोवर पोहोचला आहे. त्यामुळे सोने आणि चांदी या दोन्ही मौल्यवान धातूंच्या किमतींमध्ये एकाच वेळी वाढ झाल्याने ग्राहकांसह गुंतवणूकदारांचेही लक्ष सराफा बाजाराकडे लागले आहे.

राजधानी दिल्लीमध्ये २४ कॅरेट सोन्याचा दर प्रति १० ग्रॅम १ लाख ४३ हजार ६२० रुपये असून २२ कॅरेट सोन्याचा दर १ लाख ३१ हजार ६६० रुपये आहे. आर्थिक राजधानी मुंबईमध्ये २४ कॅरेट सोने १ लाख ४३ हजार ४७० रुपये आणि २२ कॅरेट सोने १ लाख ३१ हजार ५१० रुपयांवर व्यवहार करत आहे. अहमदाबादमध्ये २४ कॅरेट सोन्याचा दर १ लाख ४३ हजार ५२० रुपये, तर २२ कॅरेटचा दर १ लाख ३१ हजार ५६० रुपये नोंदवण्यात आला आहे.

चेन्नई, कोलकाता, बंगळुरू, हैदराबाद आणि भुवनेश्वर या शहरांमध्ये २४ कॅरेट सोन्याचा दर प्रति १० ग्रॅम १ लाख ४३ हजार ४७० रुपये असून २२ कॅरेट सोन्याचा दर १ लाख ३१ हजार ५१० रुपये आहे. तर भोपाळ आणि पाटणा येथे २४ कॅरेट सोन्याचा दर १ लाख ४३ हजार ५२० रुपये आणि २२ कॅरेटचा दर १ लाख ३१ हजार ५६० रुपये नोंदवला गेला आहे. जयपूर आणि लखनौ येथे २४ कॅरेट सोने १ लाख ४३ हजार ६२० रुपये, तर २२ कॅरेट सोने १ लाख ३१ हजार ६६० रुपयांवर विकले जात आहे.

---------------

हिंदुस्थान समाचार / Suraj Chaugule