त्सुनामीचा इशारा, अनेक इमारतींचे नुकसान

जकार्ता (इंडोनेशिया), 15 ऑगस्ट (हिं.स.)। इंडोनेशियामध्ये शनिवारी सकाळी झालेल्या शक्तिशाली भूकंपामुळे ईस्ट नुसा तेंगारा येथे दहशत पसरली. लोक घराबाहेर पडून सुरक्षित ठिकाणाकडे धावू लागले. भूकंपाचा सर्वाधिक परिणाम तालिबुरा गाव, सिक्का, पूर्व नुसा तेंगारा येथे दिसून आला. रिश्टर स्केलवर भूकंपाची तीव्रता ७.७ इतकी नोंदवण्यात आली.भूकंपामुळे इमारतींचे नुकसान झाले.

राष्ट्रीय आपत्ती व्यवस्थापन संस्थेने दिलेल्या माहितीनुसार, या दुर्घटनेत दोन व्यक्तींचा मृत्यू झाला आहे. यूएस जिऑलॉजिकल सर्व्हेनुसार, स्थानिक वेळेनुसार सकाळी सुमारे ६ वाजता पूर्व नुसा तेंगारा प्रांतात एंडेपासून सुमारे ६८ किलोमीटर वायव्य दिशेला भूकंप झाला. त्यानंतर अनेक आफ्टरशॉक्स (भूकंपानंतरचे धक्के) जाणवले. राष्ट्रीय आपत्ती संस्थेने सांगितले की, सुरुवातीला यामुळे त्सुनामी येण्याची शक्यता होती. त्यामुळे इशारा जारी करण्यात आला. नंतर हा इशारा मागे घेण्यात आला.

जकार्ता ग्लोब आणि सीएनएनच्या रिपोर्टनुसार, फ्लोरेस बेटाच्या किनारी भागातील ईस्ट नुसा तेंगारा येथे आलेल्या ७.७ तीव्रतेच्या भूकंपामुळे मंग्गाराई रीजेंसीमधील वेस्ट सिबल जिल्ह्यातील लेंडा गावातील एक घर उद्ध्वस्त झाले. भूकंपाच्या जोरदार धक्क्यांमुळे अनेक भागांतील घरांचे नुकसान झाले आहे. भूकंपाचा केंद्रबिंदू ईस्ट नुसा तेंगारा प्रांतातील एंडेपासून सुमारे ६८ किलोमीटर वायव्य दिशेला असल्याचे सांगण्यात आले आहे. त्यानंतर अनेक धक्के (आफ्टरशॉक्स) जाणवले.

भूकंपाचा सर्वाधिक परिणाम तालिबुरा गाव, सिक्का, पूर्व नुसा तेंगारा येथे दिसून आला. रिश्टर स्केलवर भूकंपाची तीव्रता ७.७ इतकी नोंदवण्यात आली. भूकंपामुळे अनेक भागांमध्ये घरे आणि सार्वजनिक सुविधांचे नुकसान झाले. यूएस जिऑलॉजिकल सर्व्हे आणि इंडोनेशियन अधिकाऱ्यांनुसार, इंडोनेशियाच्या राष्ट्रीय भूभौतिकी संस्थेने तातडीने त्सुनामीचा इशारा जारी केला. हा इशारा नंतर मागे घेण्यात आला. लोकांना उंच ठिकाणी जाण्याचे तसेच समुद्रकिनारे आणि किनारी भागांपासून दूर राहण्याचे आवाहन करण्यात आले.

फ्लोरेस बेट हे इंडोनेशियातील प्रमुख पर्यटनस्थळ आहे. हे बेट आपल्या रंगीबेरंगी ज्वालामुखीच्या सरोवरांसाठी आणि कोमोडो नॅशनल पार्कचे प्रवेशद्वार म्हणून ओळखले जाते. येथील सुमारे २० लाख लोकसंख्या प्रामुख्याने छोट्या गावांमध्ये विखुरलेली आहे. सोशल मीडियावर व्हायरल झालेल्या व्हिडिओमध्ये इमारती कोसळताना तसेच घाबरलेले लोक धावताना आणि ओरडताना दिसत आहेत.

१७ हजारांहून अधिक बेटांचा समूह असलेल्या इंडोनेशियाला भूगर्भीय हालचालींचा मोठा धोका आहे. इंडोनेशियामध्ये यापूर्वी अनेक विनाशकारी भूकंप झाले आहेत. २००४ मध्ये इंडोनेशियाच्या सुमात्रा बेटावर ९.१ तीव्रतेचा भूकंप झाला होता. या आपत्तीत २ लाख २० हजारांहून अधिक लोकांचा मृत्यू झाला होता.

ऑगस्ट २०१८ मध्ये लोम्बोक बेटावर ६.९ तीव्रतेचा भूकंप झाल्याने शेकडो लोकांचा मृत्यू झाला होता. त्याच वर्षी सप्टेंबरमध्ये सुलावेसी बेटावर ७.५ तीव्रतेचा भूकंप आणि त्सुनामी आली होती. त्यामध्ये शेकडो लोकांचा जीव गेला होता. नोव्हेंबर २०२२ मध्ये पश्चिम जावामधील सियानजुर भागात ६.५ तीव्रतेचा भूकंप झाला होता. या भूकंपात शेकडो लोकांचा मृत्यू झाला होता.

---------------

हिंदुस्थान समाचार / Suraj Chaugule