जकार्ता, 18 ऑगस्ट (हिं.स.)।गेल्या आठवड्यात झालेल्या भूकंपानंतर इंडोनेशियातील फ्लोरेस बेटावरील हजारो नागरिक मदतीच्या प्रतीक्षेत आहेत. या भूकंपात ६८ जणांचा मृत्यू, तर २०० हून अधिक जण जखमी झाले आहेत. तसेच शेकडो घरे आणि इतर इमारतींचे नुकसान झाले आहे. राष्ट्रीय आपत्ती व्यवस्थापन संस्थेच्या माहितीनुसार, सुमारे ५,००० लोकांना तात्पुरत्या निवारा केंद्रांमध्ये स्थलांतरित करण्यात आले असून, २१३ जण जखमी झाले आहेत.

फ्लोरेस बेटावर हजारो नागरिक रात्रभर उद्ध्वस्त झालेल्या घरांबाहेर ताडपत्रीच्या तंबूंमध्ये राहत आहेत. भूकंपानंतरचे धक्के (आफ्टरशॉक्स) बसण्याची भीती असल्याने अनेकजण घरांमध्ये न जाता बाहेरच झोपत आहेत.अधिकाऱ्यांनी सांगितले की, रविवारी रात्री उशिरा मदतकार्य करणारे पथक भूकंपाच्या केंद्राच्या सर्वात जवळच्या भागांपैकी एक असलेल्या पालुए बेटावर पोहोचले. भूस्खलनामुळे प्रभावित झालेल्या भागांतून अत्यंत कठीण प्रवास करत मदत पथकाला या बेटावर पोहोचावे लागले.

अनेक दिवस संपर्क तुटलेल्या अवस्थेत राहिल्यानंतर हजारो नागरिकांना तातडीने मदतीची गरज निर्माण झाली आहे. दरम्यान, इंडोनेशियाने सोमवारी आपला ८१वा स्वातंत्र्यदिन साजरा केला. राष्ट्राध्यक्ष प्रबोवो सुबियांतो यांनी आपत्तीग्रस्त नागरिकांसाठी प्रार्थना करण्याचे आवाहन केले.

---------------

हिंदुस्थान समाचार / Priyanka Bansode