बोन मिनरल डेंसिटी, ईसीजीसह तज्ज्ञ ऑर्थोपेडिक सल्ल्याचा लाभ

नागपूर, 27 ऑगस्ट (हिं.स.) : प्रतिबंधात्मक आरोग्यसेवा आणि आरोग्यविषयक जनजागृतीला प्रोत्साहन देण्यासाठी स्टार हेल्थ अँड अलाईड इन्शुरन्स कंपनी लिमिटेडतर्फे नागपुरात मोफत ऑर्थोपेडिक आरोग्य शिबिराचे आयोजन करण्यात आले. या शिबिराला विविध वयोगटांतील सुमारे 150 जणांनी उत्स्फूर्त प्रतिसाद दिला.

शिबिरात सहभागी नागरिकांना बोन मिनरल डेंसिटी (बीएमडी) स्क्रीनिंग, ईसीजी, महत्त्वपूर्ण आरोग्य तपासण्या तसेच तज्ज्ञ ऑर्थोपेडिक सल्ला मोफत उपलब्ध करून देण्यात आला. हाडे व सांध्यांचे आरोग्य, स्नायूंच्या समस्या, जीवनशैलीशी संबंधित घटक तसेच आवश्यक पुढील उपचारांबाबत तज्ज्ञांनी मार्गदर्शन केले. 2025 च्या COPCORD भारत संशोधनानुसार, 56 हजारांहून अधिक व्यक्तींच्या अभ्यासात 16.14 टक्के व्यक्तींनी स्नायू व सांधेदुखीची नोंद केली. ग्रामीण भागात हे प्रमाण 20 टक्के, तर शहरी भागात 10.3 टक्के असल्याचे आढळून आले.

भारतातील स्नायू व सांध्यांशी संबंधित आजारांचा वाढता भार लक्षात घेता, या समस्यांची वेळीच तपासणी आणि योग्य वैद्यकीय मार्गदर्शन घेणे महत्त्वाचे ठरते. या शिबिराच्या माध्यमातून प्रतिबंधात्मक तपासणी आणि नियमित आरोग्य चाचण्यांचे महत्त्व अधोरेखित करण्यात आले. बीएमडी तपासणीमुळे हाडांची घनता जाणून घेण्याची, तर ईसीजी व अन्य आरोग्य तपासण्यांमुळे महत्त्वाच्या आरोग्य घटकांचे प्राथमिक मूल्यमापन करण्याची संधी सहभागीांना मिळाली. वैद्यकीय तज्ज्ञांशी थेट संवाद साधून नागरिकांना त्यांच्या आरोग्यविषयक समस्यांवर वैयक्तिक मार्गदर्शनही मिळाले.

स्टार हेल्थ इन्शुरन्सचे बिझनेस हेड विजय अरोरा म्हणाले की, प्रतिबंधात्मक आरोग्यसेवेची सुरुवात जागरूकता आणि वेळेवर केलेल्या तपासणीपासून होते. समस्या गंभीर झाल्यानंतर उपचार घेण्याऐवजी नियमित तपासणी, लवकर निदान आणि योग्य वैद्यकीय मार्गदर्शनाला प्राधान्य देणे आवश्यक आहे. बीएमडी स्क्रीनिंग, ईसीजी आणि तज्ज्ञ सल्ल्यासारख्या सेवा थेट नागरिकांपर्यंत पोहोचवून प्रतिबंधात्मक आरोग्यसेवा अधिक सुलभ करण्याचा आमचा प्रयत्न आहे.

समुदाय आरोग्य आणि कल्याणासाठी कंपनीच्या व्यापक उपक्रमांचा हा एक भाग आहे. आरोग्य शिबिरे, विविध स्क्रीनिंग उपक्रम, आरोग्यविषयक जनजागृती आणि प्राथमिक आरोग्य केंद्रांमधील सहभागाच्या माध्यमातून नागरिकांना अधिक जागरूक आणि सक्रिय आरोग्यविषयक निर्णय घेण्यास प्रोत्साहन देण्यावर कंपनीचा भर आहे.नागपुरातील या ऑर्थोपेडिक आरोग्य शिबिरातून नियमित आरोग्य तपासणी, प्रतिबंधात्मक काळजी आणि वेळेवर वैद्यकीय सल्ल्याचे महत्त्व अधोरेखित झाले.

----------------------------------------

हिंदुस्थान समाचार / मनीष कुलकर्णी