छत्रपती संभाजीनगर, 11 ऑक्टोबर (हिं.स.)।
छत्रपती संभाजीनगर जिल्ह्यातील फुलंब्री तालुक्यातील मौजे टाकळी येथे मारुती मंदिरासमोर सभागृह उभारणीसाठी 20 लाख रुपये मंजूर करण्यात आले आहेत. भारतीय जनता पक्षाचे आमदार अनुराधा चव्हाण यांनी यासंदर्भात घोषणा केली.
मोजी टाकळी (शिंपी) येथे मारुती मंदिरासमोर सभागृह उभारणीच्या कामाचे भूमिपूजन आमदार चव्हाण यांच्या उपस्थितीत सोहळा उत्साहात पार पडला.
महाराष्ट्र शासन बांधकाम विभाग, छत्रपती संभाजीनगर आमदार स्थानिक विकास निधीतून सन २०२५ अंतर्गत हे काम हाती घेण्यात आले असून अंदाजे किंमत ₹२० लाख आहे. गावातील सामाजिक उपक्रम आणि सांस्कृतिक कार्यक्रमांसाठी हे सभागृह अत्यंत उपयुक्त ठरणार आहे.
याप्रसंगी श्रीरामबाबा शेळके, श्री.अशोक जिजा पवार, मंडळाध्यक्ष श्री.सुदाम ठोंबरे, श्री.साहेबराव पाटील, डॉ.भगवान नागरे, श्री.कैलास ढाकणे, श्री.रामकिसन भोसले, तसेच सर्व महिला आणि ग्रामस्थ मोठ्या संख्येने उपस्थित होते.
---------------
हिंदुस्थान समाचार / Hanumant Madanrao Chitnis
