छत्रपती संभाजीनगर, 14 ऑक्टोबर (हिं.स.)। फुलंब्री मतदारसंघासाठी 'इतर मागास व बहुजन कल्याण विभाग'अंतर्गत वसंतराव नाईक तांडा-वस्ती सुधार योजनेअंतर्गत २ कोटी रुपये निधी मंजूर झाला आहे.अशी माहिती भारतीय जनता पक्षाच्या फुलंब्री विधानसभा मतदारसंघाच्या आमदार अनुराधा चव्हाण यांनी दिली आहे.

या निर्णयामुळे तांडा आणि वस्ती भागातील मूलभूत विकासकामांसाठी आवश्यक निधी उपलब्ध होणार आहे. विद्युत, पाणीपुरवठा, अंतर्गत रस्ता-नाली यांसारख्या सुविधा विस्तारित करण्यासाठी नियोजन करता येणार असून यामुळे सदरील भागातील नागरिकांचे जीवनमान सुधारण्यासाठी मोठी मदत होणार आहे.

या कामासाठी मंत्री अतुल सावे आणि भाजप-महायुती सरकार यांचे फुलंब्री विधानसभा मतदारसंघाच्या भाजपचे आमदार अनुराधा चव्हाण यांनी मनःपूर्वक आभार व्यक्त केले आहेत.

---------------

हिंदुस्थान समाचार / Hanumant Madanrao Chitnis