पुणे, 14 ऑक्टोबर (हिं.स.)शहरात अनधिकृत फ्लेक्स लावून आगामी निवडणुकीसाठी स्वतःची जाहिरात करणाऱ्या इच्छुक उमेदवारांना ही चूक महागात पडणार आहे. उमेदवारी अर्ज भरताना फ्लेक्सचा दंड भरला की नाही हे तपासले जाणार आहे. याचे ना हरकत प्रमाणपत्र नसल्यास अर्ज बाद होऊ शकतो. फ्लेक्सबाजी थांबविण्यासाठी प्रशासनाकडून हा निर्णय घेतला आहे.

पुणे शहरात अनधिकृत फ्लेक्स, बॅनर लावून फुकटात जाहिरातबाजी करणाऱ्यांचे प्रमाण वाढले आहे. त्यात शिक्षण संस्था, खासगी शिकवणी, बांधकाम व्यावसायिक, अन्य व्यावसायिक यांच्या जाहिरातींचा समावेश आहे. पण महापालिका निवडणूक तोंडावर आलेली असताना राजकीय पुढाऱ्यांच्या जाहिरातींचे प्रमाण गेल्या काही दिवसांपासून वाढले आहे. प्रत्येक चौकात, रस्त्यावर अनधिकृत फ्लेक्स लावले जात आहेत. त्यामुळे शहराच्या विद्रूपीकरणात भर पडत आहे.

---------------

हिंदुस्थान समाचार / भूषण राजगुरु