छत्रपती संभाजीनगर, 23 ऑक्टोबर (हिं.स.)।महाराष्ट्र राज्याचे मुख्यमंत्री देवेंद्र फडणवीस यांची छत्रपती संभाजी नगर येथील भारतीय जनता पक्षाचे खासदार डॉक्टर भागवत कराड यांनी विशेष भेट घेतली आहे.
संभाजीनगर जिल्ह्यातील विविध प्रश्नांच्या संदर्भात आणि आगामी स्थानिक स्वराज्य संस्था निवडणुकीच्या निमित्ताने मुख्यमंत्री देवेंद्र फडणवीस यांची डॉक्टर कराड यांनी भेट घेतली असल्याचे सांगण्यात येत आहे. दीपावली चा मुहूर्त पाहून मुख्यमंत्र्यांची ही भेट खासदार कराड यांनी घेतली आहे. छत्रपती संभाजीनगर येथे महानगरपालिका आणि जिल्हा परिषद तसेच पंचायत समितीच्या निवडणुका होऊ घातलेल्या आहेत या अनुषंगाने राजकीय दृष्टिकोनातून ही भेट महत्त्वाची ठरणार आहे.विशेष म्हणजे छत्रपती संभाजीनगर जिल्ह्याचे पालकमंत्री शिवसेनेचे आहेत तर दुसरे दुग्धविकास मंत्री भारतीय जनता पक्षाचे अतुल सावे आहेत. या अनुषंगाने खासदार डॉक्टर कराड यांनी मुख्यमंत्र्यांची घेतलेली भेट महत्त्वाची आहे.
हिंदुस्थान समाचार / Hanumant Madanrao Chitnis
