जळगाव, 31 ऑक्टोबर (हिं.स.)आगामी आगामी स्थानिक स्वराज्य संस्थांच्या निवडणुकीच्या तोंडावर भाजपमध्ये जोरदार इनकमिंग सुरु आहे. अशातच आता जळगावमध्येही भाजपची ताकद वाढणार आहे, कारण जळगाव शहर महापालिकेतील दोन माजी महापौरांसह दिग्गज नगरसेवक भाजप प्रवेश करणार आहे. यामुळे जळगावातील राजकीय समीकरण बदलण्याची शक्यता आहे.

जळगाव शहरातील माजी महापौर नितीन लढ्ढा यांच्यासह डझनभर नगरसेवक भाजपात प्रवेश करणार आहे. मंत्री गिरीश महाजन यांच्या उपस्थितीत जी.एम. फाऊंडेशन भाजप कार्यालय येथे हा पक्षप्रवेश सोहळा पार पडणार आहे.माजी महापौर नितीन लढ्ढा यांच्यासह माजी महापौर जयश्री महाजन, माजी विरोधी पक्षनेते सुनील महाजन, प्रशांत नाईक, आबा कापसे, प्रतिभा कापसे, इकबाल पिरजादे, पिंटू सपकाळे, नवनाथ दारकुंडे, जाकीर पठाण, फिरोज पठाण आदींसह इतर मान्यवर प्रवेश करणार असल्याची माहिती नितीन लढ्ढा यांनी दिली आहे. तरी सायंकाळी सर्व चित्र स्पष्ट होणार आहे. आगामी महापालिका निवडणुकीत या प्रवेशाने मोठे फेरबदल पाहायला मिळणार आहेत.

---------------

हिंदुस्थान समाचार / मनोहर कांडेकर