बीड, 9 ऑक्टोबर, (हिं.स.)। माजलगाव नगरपरिषदेच्या आगामी निवडणुकीसाठी नगरसेवक पदांचे आरक्षण जाहीर झाले आहे. माजलगाव शहरातील १३ प्रभागातील २६ नगरसेवकात १६ नगरसेवक सर्वसाधारण प्रवर्गातील असणार आहेत. ७ नगरसेवक ओबीसी प्रवर्गातील असणार आहेत तर ३ नगरसेवक एससी प्रवर्गासाठी राखीव जाहीर झाले आहेत. ही प्रक्रिया आमदार प्रकाश सोळके यांच्या उपस्थितीत निवडणूक अधिकारी तहसीलदार संतोष रुईकर, मुख्याधिकारी पोपट निगळ, अभियंता मारुती गित्ते, चव्हाण यांनी राबवली.

यावेळी भावी नगरसेवकांसह इच्छुकांची मोठी गर्दी होती. या आरक्षणामुळे माजलगावच्या राजकीय चेहऱ्यांना समीकरणात मोठा बदल होण्याची शक्यता आहे. अनेक विद्यमान नगरसेवकांचे प्रभाग आरक्षित झाल्याने त्यांना नवीन पर्याय शोधावे लागणार आहेत.

माजलगाव नगरपालिकेचे या प्रमाणे आरक्षण जाहीर

प्रभाग १-अमध्ये ओबीसी महिला, ब- (सामान्य) खुला असणार आहे. प्रभाग २-अ-अनुसूचित जाती महिला, ब-सर्वसाधारण, प्रभाग ३ अ-ओबीसी पुरुष, ब सर्वसाधारण महिला, प्रभाग-४-अ-ओबीसी पुरुष, ब- सर्वसाधारण महिला,

प्रभाग-५-अ-सर्वसाधारण महिला, ब-सर्वसाधारण (सामान्य), प्रभाग-६-अ-सर्वसाधारण महिला, ब-सर्वसाधारण (खुला), प्रभाग-७-अ-ओबीसी महिला, ब-सर्वसाधारण (खुला), प्रभाग-८ अ ओबीसी महिला, ब सर्वसाधारण (खुला), प्रभाग ९-अ-ओबीसी पुरुष, ब-सर्वसाधारण महिला, प्रभाग १० अ सर्वसाधारण महिला, ब सर्वसाधारण (खुला), प्रभाग ११-अ-ओबीसी महिला, ब-सर्वसाधारण (खुला), प्रभाग-१२-अ-एससी महिला, ब-सर्वसाधारण (खुला), प्रभाग-१३-अ-एससी पुरुष, ब-सर्वसाधारण महिला,

माजलगाव शहरातील १३ प्रभागातील २६ नगरसेवकांचे आरक्षण लहान मुलांच्या हस्ते चिट्टी काढून जाहीर करण्यात आले.

माजलगाव नगर परिषदेत नगराध्यक्ष ओबीसी महिला विराजमान होणार आहे. तर २६ नगरसेवकातून १३ महिला नगरसेविका असणार आहेत. या समीकरणातून माजलगाव नगर परिषदेत यंदा महिलाराज दिसणार आहे.

हिंदुस्थान समाचार / Aparna Chitnis