नांदेड, 10 नोव्हेंबर (हिं.स.)। नांदेड महानगरपालिकेवर भाजपची सत्ता प्रस्थापित करण्यासाठी कार्यकर्त्यांनी सज्ज व्हावे — अशा निर्धाराने भारतीय जनता पक्षाचे खासदार डॉक्टर अजित गोपछडे यांच्या ‘अंत्योदय’ जनसंपर्क कार्यालयात माजी नगरसेवक आणि भाजपा पदाधिकाऱ्यांची महत्त्वपूर्ण बैठक पार पडली.आगामी महानगरपालिका निवडणुकीच्या पूर्वतयारीचा भाग म्हणून झालेल्या या बैठकीत विविध संघटनात्मक आणि रचनात्मक मुद्द्यांवर सविस्तर चर्चा करण्यात आली.

या बैठकीस खासदार अशोकराव चव्हाण, भाजप खासदार डॉक्टर अजित गोपछडे मराठवाडा संघटन मंत्री संजय कौडगे, महानगराध्यक्ष अमरनाथ राजूरकर, उत्तर ग्रामीण जिल्हाध्यक्ष ॲड. किशोर देशमुख तसेच दक्षिण ग्रामीण जिल्हाध्यक्ष डॉ. संतकुरराव हंबर्डे यांची प्रमुख उपस्थिती होती. बैठकीत नांदेड शहरात भाजपा बळकट करण्यासाठी, कार्यकर्त्यांचे संघटन अधिक प्रभावी करण्यासाठी आणि नागरिकांपर्यंत भाजपच्या विकासाभिमुख धोरणांची पोहोच वाढविण्यासाठी ठोस मार्गदर्शन करण्यात आले.

---------------

हिंदुस्थान समाचार / Sangita Hanumant Rao Chitanis