छत्रपती संभाजीनगर, 15 नोव्हेंबर (हिं.स.)।

अर्थ व सांख्यिकी संचालनालय, मुंबई या कार्यालयाकडून महाराष्ट्र राज्यातील सर्व कर्मचाऱ्यांच्या सर्वंकष माहितीचे स्वयंचलित अध्ययन करण्याची कार्यवाही करण्यात येत असून, या वर्षी देखील माहितीचे अध्ययन करण्याची कार्यवाही करण्यात येत आहे. सदर माहितीच्या आधारे नियमित कार्यालयातील कार्यालयीन स्थापत्याच्या कर्मचाऱ्यांची विभागवार नोंद करण्यात येते (उदा. कार्यालयीन, अभियंत्रिकी, अंशकालीन, मानधन इत्यादी). तसेच सदरच तत्त्वावर सरकारी कार्यालयात कार्यरत असलेल्या इतर प्रकारच्या कर्मचा-यांची माहिती १ जुलै २०२५ या स्थायी दिनांकानुसार नोंदविण्यात येणार आहे.

महाराष्ट्र शासनाच्या नियोजन विभागामार्फत दिनांक १७ सप्टेंबर २०२५ रोजी सर्वंकष माहिती कोष-२०२५ बाबत शासन परिपत्रक निर्गमित करण्यात आले आहे. जिल्हा स्तरावरील संबंधित जिल्हा सांख्यिकी कार्यालयांतर्फे कर्मचाऱ्यांचा सवंकष माहितीकोस्ह तयार करण्याची कार्यवाही करणार आहेत. अर्थ व सांख्यिकी संचालनालय, शासनाच्या सर्वंकष माहिती कोष-२०२५ नोंदणी करण्यासाठी ऑनलाईन संगणकीय आज्ञावली, फ्लोचार्ट शासन परिपत्रक https://mahades.maharashtra.gov.in/CGI या संकेतस्थळावर EMDB-२०२५ या नावाने उपलब्ध करून देण्यात आले आहे. माहिती नोंदणी करताना कार्यक्षेत्रात येणाऱ्या सर्व कर्मचाऱ्यांची माहिती नोंदणी करण्याची जबाबदारी सर्व आहरण व संवितरण अधिकाऱ्यांनी घ्यावयाची आहे.

जिल्ह्यातील सर्व आहरण व संवितरण अधिकाऱ्यांनी ऑनलाईन संगणकीय संपूर्ण माहिती नोंदणी दिनांक ०२ सप्टेंबर २०२५ ते ०२ डिसेंबर २०२५ पर्यंत पूर्ण करावयाची आहे. जिल्हा सांख्यिकी कार्यालय, छत्रपती संभाजीनगर यांचे कडून दिले जाणारे माहिती नोंदणी केल्याचे प्रमाणपत्र नोव्हेंबर २०२५ (नोव्हेंबर २०२५ to be paid in December 2025) च्या वेतन देयकासह व माहिती बरोबर असलेले दुसरे प्रमाणपत्र मार्च फेब्रुवारी २०२६ (February 2026 to be paid in March 2026) च्या वेतन देयकासह सादर करावे. तसेच शासन संचालनालय मूळ विभागास (Parent Department) प्रमाणित माहिती आवश्यक असल्यास, संबंधित आहरण व संवितरण अधिकाऱ्यांनी मूळ विभागास (Parent Department) आंतरलक्ष्यक आकस्मिकता तक्ता (DAT) प्रस्ताव सादर करावा व त्याची प्रत जिल्हा कोषागार अधिकारी (DSO) कार्यालयास सादर करावी. अन्यथा सदर वेतन देयक कोषागार कार्यालय/अधिकरण व लेखा कार्यालयाकडून पारित केले जाणार नाहीत,असे उपसंचालक जिल्हा सांख्यिकी कार्यालय शी. वै. मिसाळ यांनी कळविले आहे.

---------------

हिंदुस्थान समाचार / Hanumant Madanrao Chitnis