वाराणसी, 4 नोव्हेंबर (हिं.स.)सोमवारी लाल बहादूर शास्त्री आंतरराष्ट्रीय विमानतळावरून मुंबईला जाणारे विमान एप्रनवरून धावपट्टीकडे जात असताना क्रू मेंबर्सनी एका प्रवाशाला आपत्कालीन गेट उघडण्याचा प्रयत्न करताना पाहिले. त्यांनी प्रवाशाला थांबवले आणि पायलटला माहिती दिली. पायलटने ताबडतोब एटीसीशी संपर्क साधला आणि विमान पुन्हा एप्रनवर आणले.

प्रवाशाला आणि त्याच्या साथीदाराला विमानातून उतरवून सुरक्षा कर्मचाऱ्यांच्या ताब्यात देण्यात आले. सुरक्षा कर्मचाऱ्यांनी त्यांची चौकशी केली आणि विमानाची कसून तपासणी केली. यामुळे विमानाचे प्रस्थान एक तास उशिरा झाले. अकासा एअरलाइन्सचे विमान क्यूपी १४९८ मुंबईहून दुपारी ४:०० वाजता निघाले आणि सायंकाळी ६:२० वाजता वाराणसी विमानतळावर पोहोचले.

क्यूपी १४९७ असे नियुक्त केलेले तेच विमान वाराणसीहून मुंबईला जाणाऱ्या संध्याकाळी ६:४५ वाजताच्या विमानासाठी एप्रनवरून धावपट्टीकडे जात असताना जौनपूरच्या गौरा बादशाहपूर येथील रहिवासी सुजीत सिंग याने आपत्कालीन दरवाजा उघडण्याचा प्रयत्न केला. अकासा एअरचे स्थानिक व्यवस्थापक राजेश राय यांनी सांगितले की, प्रवासी आणि त्याच्या साथीदाराला विमानातून उतरवल्यानंतर सर्व आवश्यक औपचारिकता पूर्ण करण्यात आल्या आणि विमान रवाना झाले. दोन्ही प्रवाशांची चौकशी केली जात आहे.

---------------

हिंदुस्थान समाचार / वृषाली देशपांडे