इस्लामाबाद, 4 नोव्हेंबर (हिं.स.)।अमेरिकेचे राष्ट्राध्यक्ष डोनाल्ड ट्रम्प यांनी दावा केला होता की पाकिस्तान आणि चीन अणुचाचण्या करत आहेत. ट्रम्प यांच्या या दाव्यानंतर जगभरात खळबळ उडाली आहे. त्यांच्या विधानानंतर आता पाकिस्तानकडूनही प्रतिक्रिया आली आहे. पाकिस्तानने म्हटले आहे की, अणुचाचण्यांची पुन्हा सुरुवात करणारा तो पहिला देश नाही.

अहवालानुसार, पाकिस्तानच्या संरक्षण विभागातील एका वरिष्ठ अधिकाऱ्याने सांगितले, “पाकिस्तान हा असा पहिला देश नाही ज्याने अणुचाचण्या पुन्हा सुरू केल्या आहेत. पाकिस्तानपूर्वी काही इतर देशांनीही अणुचाचण्या केल्या आहेत.”महत्त्वाचे म्हणजे, पाकिस्तानच्या अणुचाचणीनंतर भारतालाही आपली शक्ती प्रदर्शित करण्याची संधी मिळू शकते.ट्रम्प यांनी रविवारी रशिया, चीन, उत्तर कोरिया आणि पाकिस्तान या देशांना अण्वस्त्र चाचणी करणारे देश म्हटले. त्यांनी सांगितले, “रशिया आणि चीन चाचण्या करत आहेत, पण त्याबद्दल बोलत नाहीत. निश्चितच उत्तर कोरिया चाचण्या करत आहे. पाकिस्तानही चाचण्या करत आहे.”

रशियाचे राष्ट्राध्यक्ष व्लादिमीर पुतिन यांनी गेल्या आठवड्यात सांगितले होते की रशियाने “पोसायडन” नावाच्या अण्वस्त्रसक्षम सुपर टॉरपीडोची चाचणी केली आहे. त्यानंतर ट्रम्प म्हणाले, “इतर देश चाचण्या करतात आणि आपण करत नाही. आपल्यालाही चाचण्या कराव्याच लागतील. रशियाने काही दिवसांपूर्वीच धमकी दिली होती की ते वेगळ्या स्तराच्या चाचण्या करणार आहेत.”सध्या जगाच्या नकाशावर एकूण नऊ देश अण्वस्त्रसंपन्न आहेत. भारत आणि पाकिस्तान या यादीत समाविष्ट आहेत. पाकिस्तानने मे 1998 मध्ये पहिली अणुचाचणी केली होती. एनटीआयच्या अहवालानुसार, पाकिस्तानने आतापर्यंत एकूण सहा अणुचाचण्या केल्या असून, त्याच्याकडे सुमारे 170 अण्वस्त्रे असल्याचा दावा केला जातो.

---------------

हिंदुस्थान समाचार / Priyanka Bansode